კალათბურთი / NBA /
დიდმა ესპანელმა სცენა დატოვა
11/05/2019 10:06
203

ხოსე მანუელ კალდერონი ნამდვილად გახლდათ ესპანეთის "ოქროს თაობის" ერთ-ერთი ღირსეული წარმომადგენელი. დიდმა ესპანელმა სცენა დატოვა - სწორედ ასე აფასებენ უცხოური პრესის წარმომადგენლები კალდერონის წასვლას. NBA-ში 14 წლიანი მოღვაწეობის შემდეგ, მისი კარიერა დასრულდა. როგორც ირკვევა, ის ლიგის მოთამაშეთა ასოციაციაში (NBPA) იმუშავებს. 38 წლის კალათბურთელმა გადაწყვეტილება უკვე ოფიციალურად მიიღო.

კალდერონის კარიერა მართლაც ჩინებული იყო. მან 2006 წელს მსოფლიო ჩემპიონობა იზეიმა, ხოლო 2011-ში ევროპის ჩემპიონიც გახდა. 2008 & 2012 წლებში მან ოლიმპიური ოქროს მედლებიც მოიგო. აშშ-ში ის გამოდიოდა 7 სხვადასხვა გუნდის შემადგენლობაში: დალასი, ლეიკერსი, დეტროიტი, ატლანტა, ნიუ-იორკ ნიქსი, კლივლენდ კავალიერსი, ტორონტო. 

კალდერონმა NBA-ს რეგულარულ სეზონში ჯამში 895 შეხვედრა ჩაატარა და 40-ჯერ ითამაშა ფლეი ოფში. მისი უკანასკნელი კლუბი კი დეტროიტ პისტონსი გახლდათ. 

#Flashscore