ჩოგბურთი / ATP /
ATP-ის განახლებული რეიტინგი
11/05/2019 10:36
149

გამოქვეყნდა პროფესიონალ ჩოგბურთელთა ასოციაციის ATP-ის განახლებული რეიტინგი. ნოვაკ ჯოკოვიჩი, რომელიც აქამდე პირველი ჩოგანი იყო, მეორე პოზიციაზე ჩამოქვეითდა და მას ესპანელმა რაფაელ ნადალმა გადაასწრო. მესამე ადგილს სტაბილურად ინარჩუნებს შვეიცარიელი როჯერ ფედერერი.  ათეულში ასევე მოხვდნენ დანიილ მედვედევი, დომინიკ ტიემი, სტეფანოს ციციპასი, ალექსანდრ ზვერევი, მატეო ბერეტინი, რობერტო ბაუტისტა აგუტი და გაელ მონფილსი. 

რაც შეეხება ქართველ ჩოგბურთელ ნიკოლოზ ბასილაშვილს, ის 1450 ქულით 26-ე პოზიციას იკავებს.

საჩოგბურთო რეიტინგის ლიდერი ყველაზე ხანგრძლივი დროის განმავლობაში როჯერ ფედერერი იყო - 310 კვირით. 286 კვირის განმავლობაში ილიდერა პიტ სამპრასიმ. ნოვაკ ჯოკოვიჩი – 275 კვირა. ივან ლენდლი – 270 კვირა. ჯიმი კონორსი – 268 კვირა. მიმდინარე ლიდერი, რაფაელ ნადალი 197 კვირის განმავლობაში გახლდათ პირველი. 

"ყველამ კარგად იცის, რომ მიმდინარე წელი ჩემთვის საკმაოდ რთულად დაიწყო, მაგრამ საბედნიეროდ მე შევძელი მეპოვა გზა, რომლის წყალობითაც ჩოგბურთის თამაშს უმაღლეს დონეზე ისევ შევძლებდი. 2019 წლით ვამაყობ." - განაცხადა რაფაელ ნადალმა.

#Flashscore