ფეხბურთი / ჩემპიონთა ლიგა /
"გამარჯვება მსაჯმა წაგვართვა"
11/06/2019 18:43
103

მოგეხსენებათ, რომ ჩემპიონთა ლიგის მე-4 ტურის შეხვედრაში ლონდონის ჩელსიმ ამსტერდამის აიაქსს უმასპინძლა და შეხვედრა ფრედ 4:4 დასრულდა.

აღნიშნულ მატჩში ჰოლანდიელები ინგლისელებს 2-ბურთიანი უპირატესობით ჯაბნიდნენ, როცა მსაჯმა ბლინდი და ველტმანი მოედნიდან გააძევა და დარჩენილ დროში "არისტოკრატებმა" ანგარიშის გათანაბრება და შეხვედრის გადარჩენა მოახერხეს. მატჩის დასრულების შემდეგ ამსტერდამელთა ერთ-ერთმა ლიდერმა, დუშან ტადიჩმა მცირე კომეტარი გააკეთა.

"წესით, ჩვენ ახლა აიაქსის შესაიშნავ თამაშზე და გამარჯვებაზე უნდა ვსაუბრობდეთ, მაგრამ სამწუხაროდ ეს არ შეგვიძლია, რადგან გამარჯვება მსაჯმა წაგვართვა. წესები ბლინდის წინააღმდეგ დაირღვა, თუმცა არბიტრმა სწორედ ის გააძევა. ზედიზედ 2 წითელი ბარათი უბრალოდ მეტისმეტი იყო. ძალიან იმედგაცრუებული ვარ. ვფიქრობ, შესანიშნავი შეხვედრა ჩავატარეთ, თუმცა ჯანლუკა როკიმ ყველაფერი გააფუჭა." - განაცხადა ტადიჩმა.

შეგახსენებთ, რომ 4 ტურის შემდეგ H ჯგუფში ჩელსის და აიაქსს თანაბარი 7-7 ქულა აქვთ. ამდენივე ქულა აქვს მესამე ადგილოსან ვალენსიას, ხოლო ბოლო პოზიციას ერთადერთი ქულით ლილი იკავებს.

#Flashscore