რაგბი / მსოფლიო თასი /
ლეგენდარულმა სამხრეთ აფრიკელმა სანაკრებო კარიერა დაასრულა
11/06/2019 19:55
114

სამხრეთ აფრიკელმა ბურჯმა, ტენდაი მთავარირამ იგივე "მხეცმა" 34 წლის ასაკში სანაკრებო კარიერის დასრულების გადაწყვეტილება მიიღო.

ნაკრებში ჩატარებული მატჩების რაოდენობით, ის მხოლოდ ვიქტორ მეტფილდს და ბრაიან ჰაბანს ჩამორჩება. სტატისტიკას თუ მხოლოდ ბურჯებს შორის ავიღებთ, მაშინ მთავარირა პირველია. მან ნაკრებში უკანასკნელი მატჩი 2019 წლის მსოფლიო თასის ფინალში, ინგლისის წინააღმდეგ ჩაატარა და უნდა აღინიშნოს, რომ ერთ-ერთი საუკეთესო იყო. მან თავისი ოპონენტი დენ კოული აშკარად დაჯაბნა. 

ტენდაი მთავარირას ნაკრებში სულ 117 ტესტ-მატჩი აქვს გამართული. მის ანგარიშზე 2 ლელოა. 159 შეხვედრა ჩაატარა სუპერ რაგბიში. მის მონაგარში შედის მსოფლიო თასი, 4 ერის და 3 ერის მოგება, ბრიტანული და ირლანდიული ლომების ტურნე და 3-ჯერ მოიპოვა ქარის თასი.

#Flashscore