კალათბურთი / NBA /
ბითაძის რეკორდი და მეოთხე გამარჯვება
11/07/2019 10:00
126

NBA-ის რეგულარული სეზონის მორიგ მატჩში, ინდიანა პეისერსმა ვაშინგტონ უიზარდს უმასპინძლა და მეტოქე 121:106 დაამარცხა. ეს მიმდინარე გათამაშებაში რიგით მე-4 გამარჯვება გახლდათ. შემდეგ მატჩს გოგა ბითაძის გუნდი 9 ნოემბერს გამართავს დეტროიტის წინააღმდეგ. აღნიშნული შეხვედრა თბილისის დროით 04:00 საათზე დაიწყება. 

ვაშინგტონ უიზარდის წინააღმდეგ ქართველმა კალათბურთელმა 20:01 წუთის განმავლობაში 13 ქულა დააგროვა, რაც მისთვის NBA-ის რეკორდია. ბითაძის ანგარიშზე ასევე გახლავთ 3 მოხსნა, აქედან 2 მეტოქის ფარზე და 1 პასი. გოგამ ბურთი ერთხელ დაკარგა და პერსონალური შენიშვნა 3-ჯერ მიიღო. კოეფიციენტი გუნდში ყველაზე ცუდი სამწუხაროდ სწორედ გოგას ჰქონდა -9. 

 

#Flashscore