სხვა / კრივი /
ნიკოლა ადამსმა წასვლა გადაწყვიტა
11/07/2019 11:56
92

ნიკოლა ადამსი კრივში პირველი ქალი ოლიმპიური ჩემპიონია. 37 წლის ბრიტანელმა გადაწყვიტა, რომ სპორტიდან წავიდეს. ამის მიზეზად კი მან ექიმების მიერ გაცემული რეკომენდაცია დაასახელა.

2012 წელს ლონდონის ოლიმპიადაზე ადამსმა ოქროს მედალი მოიპოვა და ის პირველი ქალი ოლიმპიური ჩემპიონი გახდა სპორტის ამ სახეობაში. 2016 წელს აღნიშნული ტიტული უკვე რიო დე ჟანეიროში დაიცვა. 2017 წლიდან ნიკოლა პროფესიულ კრივში ასპარეზობდა.

"სამწუხაროდ კრივი უნდა დავტოვო, რადგან ექიმებმა ასე მირჩიეს. მათი თქმით, თვალის არეში ძლიერი დარტყმის მიღების შემთხვევაში, შესაძლოა გამოუსწორებელი დაზიანება მივიღო. ამ ყველაფერს კი შეუძლია დამაბრმავოს. გარისკვა არ ღირს. ბედნიერი და ამაყი ვარ იმით, რომ ჩემს ქვეყანას 2 ოქროს მედალი მოვუტანე. მე ოცნება ავიხდინე." - განაცხადა ნიკოლა ადამსმა.

უკანასკნელი ბრძოლა ნიკოლამ 28 სექტემბერს მექსიკელ მარია სალინასისთან გამართა. ბრიტანელმა გაიმარჯვა და WBO-ს ჩემპიონის ტიტულის დაცვა შეძლო. ის ასევე გახლავთ მსოფლიოს და ევროპის ჩემპიონატების გამარჯვებული.

#Flashscore