ქართული სპორტი / ქართული ფეხბურთი /
მზადება იტალიისთის!
11/08/2019 15:59
143

ევროპის ჩემპიონატის საკვალიფიკაციო ეტაპის მორიგ შეხვედრაში საქართველოს ქალთა საფეხბურთო ნაკრები იტალიას ესტუმრება და პირველი ქულების აღებას შეეცდება.

უდავოა, ჩვენი მეტოქე ჯგუფის ერთ-ერთი ფავორიტია და 4-ვე ჩატარებული შეხვედრა გამარჯვებით დაასრულა, ხოლო საქართველოს ნაკრებმა 3-ვე მატჩი დათმო და 10 გაშვებულ გოლთან ერთად, საპასუხოდ მხოლოდ 1 გაიტანა.

იტალია პირველობისთვის დანიასთან ერთად იბრძვის. დანიელებსაც 4 მოგება აქვთ, მაგრამ უკეთესი ბურთების შეფარდება – 15:0. შესაბამისად, მილენა ბერტოლინის შეგირდებს მხოლოდ მოგება ესაჭიროებათ.

წელს ეს გუნდები ერთმანეთს უკვე გაეჯიბრნენ. საქართველოში გამართული მატჩი იტალიელებმა 1:0 მოიგეს. ზოგადადაც, ურთიერთშეხვედრებში უპირატესობა ჩვენს მეტოქეს აქვს. ეს ნაკრებები ევროპის ჩემპიონატის შესარჩევზე ერთმანეთს 2015-16 წლებშიც შეხვდნენ და სტუმრად 1:6, ხოლო შინ 0:7 დავმარცხდით.

მათი მორიგი, მეოთხე დაპირისპირება დღეს, 20:30 საათზე გაიმართება.

#Flashscore