ფეხბურთი / მსოფლიო ფეხბურთი /
პელეს მხარდაჭერა მარადონას
01/15/2019 14:08
884

ლეგენდარული ბრაზილიელი ფეხბურთელი, პელე დიეგო მარადონას ოპერაციას გამოეხმაურა.

პელემ ტვიტერის მეშვეობით არგენტინელ ლეგენდას მხარდასაჭერი მესიჯი გაუგზავნა.

"დიეგო, არასდროსაა იმ ინფორმაციის მოსმენა სასიამოვნო, როცა 10-ანების კლუბის წევრი კარგად არ არის. იმედი მაქვს, მალე თავს კარგად იგრძნობ, ჩემო მეგობარო", - წერს პელე ტვიტერის ოფიციალურ გვერდზე.

შეგახსენებთ, რომ დიეგო მარადონას 12 იანვარს, ბუენოს აირესში ოპერაცია ჩაუტარდა. მიმდინარე თვის დასაწყისში მარადონა კუჭიდან სისხლდენის გამო საავადმყოფოში გადაიყვანეს, მოგვიანებით კი ცნობილი გახდა, რომ ლეგენდარულ არგენტინელ ფეხბურთელს ოპერაცია გაუკეთეს. ექიმების ცნობით, ოპერაციამ წარმატებით ჩაიარა და მარადონა თავს ახლა კარგად გრძნობს.

#Flashscore