რაგბი / ინგლისის Premiership /
ინგლისური რაგბის ლეგენდა კარიერას ასრულებს
11/08/2019 17:33
112

33 წლის კვაჭი, დილან ჰარტლი კარიერას ასრულებს. ინგლისის ნაკრებისა და ნორსჰემპტონ სეინტსის ლეგენდამ გადაწყვეტილება უკვე მიიღო. 

ჰარტლიმ უკანასკნელად 2018 წლის 13 ოქტომბერს ჩელენჯ თასზე ითამაშა და მას შემდეგ მინდორზე აღარ გასულა, რადგან მუხლის ტრავმა აწუხებდა. აღნიშნული დაზიანების გამო დილანს 2019 წლის მსოფლიო თასის გამოტოვებაც მოუწია, სადაც მისმა ნაკრებმა მეორე ადგილი დაიკავა. ტრავმამ საბოლოოდ იმ გადაწყვეტილებამდე მიიყვანა, რომ მისი სარაგბო კარიერა დასრულდა.

ნორსჰემპტონში ჰარტლი 2005 წლიდან ირიცხებოდა. ამ ხნის განმავლობაში მან 251 შეხვედრა ჩაატარა და 23-ჯერ შეძლო ლელოს დადება. 15 ჩატარებული სეზონიდან მან 9-ში იკაპიტნა. რაც შეეხება ინგლისის ნაკრებს, აქ მან 2008 წლიდან დაიწყო ასპარეზობა. 97 მატჩში გუნდს 30 ჯერ უკაპიტნა. 

#Flashscore