ფეხბურთი / მსოფლიო ფეხბურთი /
პლატინი უეფასგან 7 მილიონს ითხოვს
11/08/2019 20:23
70

ფრანგული პრესის წარმომადგენლები იუწყებიან, რომ უეფას ყოფილმა პრეზიდენტმა, მიშელ პლატინიმ თავის ასევე ყოფილ ორგანიზაციას სასამართლოში უჩივლა და 7 მილიონი მოითხოვა. ამ თანხიდან 5.5 მილიონს ფრანგი სახელფასო დავალიანებად მიიჩნევს, ხოლო დანარჩენი კომპენსაცია მორალური ზარალის მიყენების გამო.

შეგახსენებთ, რომ 2015 წელს ფიფას ეთიკის კომიტეტმა პლატინი რვა წლით ჩამოაშორა საფეხბურთო მოღვაწეობას. ამის მიზეზი კი ის გახლდათ, რომ ფიფას იმდროინდელმა პრეზიდენტმა იოზეფ ბლატერმა პლატინის ანგარიშზე 2 მილიონი შვეიცარიული ფრანკი გადარიცხა. შემდგომში კი პლატინის დისკვალიფიკაციის ვადა განახევრდა და 4 წლამდე შემცირდა.

მიშელ პლატინის სასჯელის ვადა 2019 წლის 8 ოქტომბერს ამოიწურა. კანონის თანახმად, ფრანგს უკვე შეუძლია კვლავ იმოღვაწეოს საფეხბურთო სამყაროში. როგორც მისი ადვოკატი აცხადებს, პლატინი გეგმავს, რომ კუთვნილი თანხა დაიბრუნოს, რომელიც მას კონტრაქტის პირობების მიხედვით ეკუთვნოდა.

#Flashscore