კალათბურთი / NBA /
NBA დაიჯესტი - მატჩის მოსაგებად კარიერის საუკეთესო მატჩი არ კმარა
11/09/2019 11:48
1818

მილუოკი ბაქსი 100:103 იუტა ჯაზი

იუტა ჯაზმა გასული სეზონის აღმოსავლეთ კონფერენციის გამარჯვებული მილუოკი ბაქსი დრამატულ ბრძლოლაში ბოიან ბოგდანოვიჩის "ბაზერით" დაამარცხა. სოლტ-ლეიკელმა გულშემატკივარმა "ბოგის" ნამდვილი ოვაციები მოუწყო, რამაც ხორვატი აღაფრთოვანა.

ვისკონსინელთა შემადგენლობაში გამორჩეულები იანის ანტეტოკუნმპო (30ქ/13მ), კრის მიდლტონი (26ქ/11მ) და ერიკ ბლედსო (22ქ/8მ) იყვნენ, თუმცა როგორც ვთქვით ეს მათ მოგებისთვის არ ეყოთ.

რაც შეეხება გამარკვებულებს, აქ გამორჩეული ზემოთ ხსენებული ბოგდანოვიჩი (33ქ), მაიკ კონლი (20ქ) და დონოვან მიჩელი იყვნენ (19ქ).

 

ბრუკლინ ნეთსი 119:115 პორტლენდ ტრეილ ბლეიზერსი

კაირი ირვინგისა (33ქ) და სპენსერ დინვიდის (34ქ) ბრწყინვალე თამაშის წყალობით ნიუ იორკელებმა საკმაოდ უხერხული მეტოქის დამარცხება მოახერხეს. მათ ბლეიზერების ლიდერს დემიენ ლილარდს (60ქ) კარიერის მატჩი ჩაუშხამეს.

აღსანიშნავია, რომ ლილარდს მხარი სათანადოდ ვერავინ აუბა, თორემ პორტლენდელები აუცილებმად მოიგებდნენ.

 

ფილადელფია სიქსერსი 97:100 დენვერ ნაგეთსი

ფილადელფია, რომელიც რამდენიმე დღე ტურნირის ერთადერთ დაუმარცხებელ გუნდად ითვლებოდა საკმაოდ ცუდად გამოიყურება, გუნდმა ზედიზედ მესამე მატჩი დათმო და რამე თუ არ შეცვალა საქმეები ცუდად წაუვა.

გუნდს ავსტრალიელი ბენ სიმონსი აკლდა, მის არყოფნაში ძირითად ხუთეულში ადგილი ბრაზილიელმა რაულ ნეტომ დაიკავა, თუმცა შანსის გამოყენება ვერ მოახერხა.

აღსანიშნავია, რომ კოლორადოელთა შემადგენლობაში 20 ქულიან ზღვარს ერთბაშად 3 კალათბურთელი ნიკოლა იოკიჩი (26ქ/10მ/6ა), ჯამალ მარი (22ქ/11ა) და უილ ბარტონი (20ქ) გადასცდა. მატჩის მოგება კი ნიკოლა იოკიჩის გადამწყვეტი სროლით მოახერხეს.

 

 

მაიამი ჰიტი 80:97 ლოს ანჯელეს ლეიკერსი

მორიგი გამარჯვება იზეიმა ლოს ანჯელეს ლეიკერსმა, რომლის შემადგენლობაშიც ლებრონ ჯეიმსისა (25ქ) და ენტონი დევისის (26ქ) ვარსკვლავური დუეტი ბრწყინავს.

ლეიკერებმა ფლორიდელებს არანაირი შანსი დაუტოვეს და ისინი მარტივად დაამარცხეს, მათი მხრიდან 20 ქულიან ზღვარს ერთადერთი კალათბურთელი ჯიმი ბატლერი (22ქ) გადასცდა.

 

ნიუ იორკ ნიქსი 106:102 დალას მავერიკსი

მართალია დალასელთა შემადგენლობაში ფანტასტიკურად გამოიყურებიან სეზონში მეოთხე სამმაგი დუბლის შემსრულებელი ლუკა დონჩიჩი (38ქ/13მ/10ა) და კრისტაპს პორზინგისი (28ქ), თუმცა შემადგენლობა მათ ძალიან სუსტი ყავთ, რაც სეზონის მანძილზე დიდი ალბათობით თავს იჩენს.

ნიუ იორკელთა შემადგენლობაში გამორჩეული მარკუს მორისი (29ქ/9მ) და ჯულიუს რენდლი (21ქ/8მ) იყვნენ, ხოლო წლევანდელი დრაფტის მესამე ნომერი არ ჯეი ბარეტი 38 სათამაშო წუთში მხოლოდ 3 ქულას დასჯერდა.

 

 

ტორონტო რეპტორსი 122:104 ნიუ ორლეანს პელიკანსი

გასული სეზონის ტრიუმფატორების უპირობო ლიდერად როგორც ვვარაუდობდით კამერუნელი პასკალ სიაკამი (44ქ/10მ) იქცა. ის სულ უფრო უკეთესად გამოიყურება და გუნდის წარმატებული თამაშის მთავარი განმაპირობებელი ელემენტია.

რაც შეეხება მეტოქეს, აქ განვითარებას ბრენდან ინგრემი (27ქ/7მ) განაგრძობს, რომელმაც ამჯერადაც მაღალი დონის მატჩი ჩაატარა. თუმცა უნდა აღინიშნოს, რომ მისი მოედანზე ყოფნის დროს გუნდმა -25 ქულა დააფიქსირა.

 

 

გოლდენ სტეიტ უორიორსი 119:125 მინესოტა ტიმბერვულვზი

ენდრიუ ვიგინსის (40ქ), კარლ-ენტონი თაუნზის (20ქ/14მ) და რობერტ კოვინგტონის (17ქ/11მ) კარგი თამაშის წყალობით მინესოტა ტიმბერვულვზმა დრეიმონდ გრინისა და დიანჯელო რასელის ამარა დარჩენილი გოლდენ სტეიტი დაამარცხა.

ამ უკანასკნელს კარიერის გამორჩეული მატჩი ჰქონდა და თავის გუნდს 52 ქულა მოუტანა, თუმცა როგორც აღვნიშნეთ "მებრძოლებს" ეს გამარჯვებისთვის არ ეყოთ.

 

 

დეტროიტ პისტონსი 106:112 ინდიანა პეისერსი

გოგა ბითაძის (ტვინის შერყევა) გარეშე მოთამაშე ინდიანა პეისერსმა დეტროიტ პისტონსთან ზედიზედ მესამე მატჩში დამარცხება აღარ ისურვა და როგორც იქნა მეტოქე დაამარცხა.

ინდიანელთა შემადგენლობაში 10 ქულიან ზღვარს ერთბაშად 7 კალათბურთელი გადასცდა, რამაც მათი გამარჯვება განაპირობა. მეტოქე გუნდში კი ლუკ კენარდის (29ქ) და ანდრე დრამონდის (15ქ/13მ) კარგი თამაში უნდა აღინიშნოს.

 

#Flashscore