სხვა / სხვა /
უპრეცედენტო შემთხვევა საქართველოს ყინულის ჰოკეის ისტორიაში
11/12/2019 11:00
133

საქართველოს ყინულის ჰოკეის ფედერაცია იუწყება, რომ ისტორიაში პირველად, ქართველი მოთამაშე კანადის ჰოკეის ლიგაში ითამაშებს. ტრანსფერი ოფიციალურად შედგა. ეს მოთამაშე თემურ ვედიაპინი გახლავთ. ქართველმა ჰოკეისტმა, კანადის ახალგაზრდულ ლიგაში გოლის გატანა უკვე მოახერხა. თემურს სავიზო პრობლემები ჰქონდა, რის გამოც მან მხოლოდ 2 კვირის წინ შეძლო მანივაკის მუსტანგებს შეერთებოდა. მანამდე ვედიაპინი რუხი მგლების ღირსებას იცავდა და ასევე გამოდიოდა საქართველოს ყინულის ჰოკეის ეროვნული ნაკრების შემადგენლობაში. თემურმა სადებიუტო გოლზე ისაუბრა.

"სულ 2 კვირაა, რაც კანადაში ვიმყოფები და აქ თავს კარგად ვგრძნობ. 8 თანაგუნდელი ვცხოვრობთ კერძო სახლში. ამან მათთან დაახლოება გამიმარტივა. გუნდის მფლობელს, ერიკ გოტიეს მოუწია ადვოკატი აეყვანა იმისთვის, რომ ჩემთვის ვიზა საბოლოოდ მოეცათ. მიხარია, რომ სადებიუტო მატჩში გოლი გავიტანე. ეს ჩემთვის დიდი მოტივაციაა." - განაცხადა თემურ ვედიაპინმა.

 

#Flashscore