კალათბურთი / NBA /
NBA დაიჯესტი - კავაიმ მეორე ყოფილიც დაამარცხა, ჰარდენი კვლავ "დაფრინავს"
11/12/2019 11:12
210

ტორონტო რეპტორსი 88:98 ლოს ანჯელეს კლიპერსი

გასული ფინალების MVP კავაი ლეონარდი (12ქ/11მ/9ა) თავის ყოფილ გუნდს პირველად დაუპირისპირდა და დაამარცხა კიდეც. მან მოედანზე 35 წუთი დაჰყო და სამმაგ დუბლამდე მხოლოდ ერთი ასისტი დააკლდა.

მატჩის გამორჩეული მოთამაშე ლუ უილამსი გამოდგა, რომელმაც შეცვლიდან გუნდს 21 ქულა შესძინა.

 

მემფის გრიზლისი 113:109 სან ანტონიო სპურსი

ტეხასელები ყველასთვის მოულოდნელად ძალიან ახალგაზრდულ და უარყოფითი ბალანსის (3:7) მქონე მემფისთან დამარცხდნენ. აღსანიშნავია, რომ მატჩის დაწყებამდე, AT&T სენტერში ლეგენდარული ფრანგი გამთამაშებლის, NBA-ს ოთხ გზის გამარჯვენული ტონი პარკერის მაისური გამოფინეს.

ამის მიუხედავად გუნდმა ძალიან უღიმღამოდ ითამაშა და დამსახურებულადაც დამარცხდა. ორივე გუნდის მხრიდან საუკეთესო ჯარენ ჯექსონ ჯუნიორი (24ქ/6მ/5ა) და იონას ვალანჩუნასი (18ქ/12მ) იყვნენ.

 

იუტა ჯაზი 122:108 გოლდენ სტეიტ უორიორსი

ლიდერების არ ყოფნის პერიოდში, სან ფრანცისკოელთა მარცხი უკვე აღარავის უკვირს. მათი მეტოქე ამჯერად მრისხანე იუტა ჯაზი იყო, რომელიც მიმდინარე სეზონში საკმაოდ მაღალ მიზნებს ისახავს.

უორიორებში გამორჩეული კვლავ დიანჯელო რასელი (33ქ/8ა) იყო, რომელსაც მხარი ტრადიციულად ვერავინ აუბა. რაც შეეხებათ ჯაზმენებს, აქ ლიდერებმა იმძლავრეს რუდი გობერმა 25 ქულა, 14 მოხსნა, მაიკ კონლიმ 22 ქულა, 7 ასისტი, ხოლო დონოვან მიჩელმა 23 ქულა, 8 მოხსნა და 6 ასისტი დააგროვა.

 

ჰიუსტონ როკეტსი 122:116 ნიუ ორლეანს პელიკანსი

ჰიუსტონ როკეტსის "სუპერ-დუო" თანდათან სულ უფრო უკეთ თამაშობს და გაცემული ავანსების გამართლებას იწყებს. შესანიშნავ ფორმაშია ჯეიმს ჰარდენი (39ქ/9მ), რომელსაც ორმაგ დუბლამდე ერთი ასისტი დააკლდა. კარგი იყო რასელ უესტბრუკი (26ქ) და კლინტ კაპელაც (11ქ/20მ).

რაც შეეხებათ პელიკანებს, მათ ამ თამაშში ბოლო პერიოდში შესანიშნავად მოთამაშე ბრენდან ინგრემი დააკლდათ, რაც საბოლოოდ მარცხის ერთ-ერთი მიზეზი გამოდგა.

 

დალას მავერიქსი 106:116 ბოსტონ სელტიკსი

ბოსტონ სელტიკსი შესანიშნავ ფორმაშია, გუნდი თამაშს თითქმის აღარ აგებს და საკმაოდ კარგი დადებითი ბალანსი (8:1) აქვს. რამდენმე შეხვედრის გამოტოვების შემდეგ, შესანიშნავად გამოიყურება ჯეილენ ბრაუნი (25ქ/11ა), გამორჩეულია კემბა უოლკერიც (29ქ/5მ/5ა). ხოლო რაც შეეხება ჯეისონ ტატუმს (5ქ/8მ), მას კარიერის ერთ-ერთი ცუდი მატჩი ჰქონდა, 18 მცდელობიდან მხოლოდ 1-ის ჩაგდება მოახერხა.

დალასელთა მხრდან კვლავ ლუკა დონჩიჩი (34ქ/5მ/9ა) გამოირჩა, ხოლო კრისტაპს პორზინგისი (4ქ/5მ) მხოლოდ 20 წუთი დაიტვირთა.

 

მინესოტა ტიმბერვულვსი 120:114 დეტროიტ პისტონსი

ზედიზედ მეორე კარგი მატჩი ჩაატარა ენდრიუ ვიგინსის (33ქ/5ა/6მ) და კარლ-ენტონი თაუნზის (25ქ/6ა/8მ) დუეტმა, თუმცა წინა თამაშისგან განსხვავებით ამჯერად გამარჯვება მოახერხა.

რაც შეეხებათ დეტროიტელებს, მათ როგორც იქნა ლიდერი ბლეიკ გრიფინი (19ქ/7მ/6ა) დაუბრუნდა, თუმცა როგორც აღმოჩნდა, ეს საკმარისი არ იყო.

#Flashscore