ფეხბურთი / ჩემპიონთა ლიგა /
"იმედია როდრიგო სათადარიგოთა სკამზე იქნება"
11/12/2019 12:27
162

პსჟ-ს ბრაზილიელმა მცველმა, ტიაგო სილვამ თავის ახალგაზრდა თანამემამულეზე, მადრიდის რეალის შემტევ როდრიგოზე ისაუბრა და გააკეთა განცხადება, რომლითაც 18 წლის ფეხბურთელს მოტივაცია კიდევ უფრო აუმაღლა.

"იმედია, როდრიგო სათადარიგოთა სკამზე იქნება. ზიდანის ამ გადაწყვეტილების მოლოდინში ვარ. როდრიგო 18 წლისაა, თუმცა უკვე ამტკიცებს, რომ მის წინააღმდეგ თამაში მცველებისთვის ძალიან რთულია. მან უკვე იცის თუ რა სურს და რისი მიღწევა შეუძლია. ამ ასაკში ასეთ სიმაღლეზე ყოფნა ნამდვილად დიდი მიღწევაა." - განაცხადა ტიაგო სილვამ.

როგორც იცით, როდრიგომ ჩემპიონთა ლიგის მე-4 ტურში გალათასარაის ჰეთ-თრიკი შეუსრულა და ტურის საუკეთესო მოთამაშეც გახდა.

შეგახსენებთ, რომ პარიზელები მადრიდელებს ჩემპიონთა ლიგის მეხუთე ტურში სტუმრად დაუპირისპირდებიან. პირველი შეხვედრა კი საფრანგეთში 3-0 დასრულდა ფრანგების სასარგებლოდ. A ჯგუფს 4 ტურის შემდეგ ტუხელის გუნდი 12 ქულით ლიდერობს, ხოლო ზიდანის შეგირდებს 7 ქულა აქვთ და მეორე პოზიციას იკავებენ. მიუხედავად იმისა თუ რა ანგარიშით დასრულდება აღნიშნული შეხვედრა, მეხუთე ტურის შემდეგ პსჟ მაინც პირველ ადგილზე დარჩება.

 

#Flashscore