ფეხბურთი / ქართული ფეხბურთი /
მერაბ გიგაური აზერბაიჯანში საუკეთესოა
11/12/2019 16:53
193

აზერბაიჯანის პროფესიული ფეხბურთის ლიგის ოფიციალური ვებგვერდის ცნობით, გაბალას ქართველი ნახევარმცველი, მერაბ გიგაური აზერბაიჯანის ჩემპიონატის მე-11 ტურის საუკეთესო მოთამაშედ დასახელდა.

გიგაური თანაგუნდელ დავით ვოლკოვთან ერთად ტურის სიმბოლურ გუნდშიც მოხვდა. გაბალამ მე-11 ტურში ერთ-ერთი ლიდერი, სიბაილი 3-0 დაამარცხა. გიგაური ნახევარდაცვაში ბრწყინვალედ გამოიყურებოდა, ხოლო ვოლკოვმა დუბლის გაფორმება მოახერხა. 

ინსტატ სპორტის სტატისტიკით, 319 ქულა დააგროვა მერაბ გიგაურმა, რაც საუკეთესო მაჩვენებელი გახლდათ, ხოლო მის შემდგომ 313 ქულით მეორე დავით ვოლკოვი იყო.

#Flashscore