ფეხბურთი / პრემიერლიგა /
"ვან დაიკი ოქროს ბურთს მესიზე მეტად იმსახურებს"
11/12/2019 17:48
262

42 წლის ლივერპულის ყოფილმა ნახევარმცველმა, დენი მერფმა ოქროს ბურთზე და მის შესაძლო გამარჯვებულებზე ისაუბრა.

"ლიონელ მესი რომ გენიალური ფეხბურთელია, ეს სადაო სულაც არ არის, თუმცა ვფიქრობ, რომ წელს ოქროს ბურთი ვან დაიკმა უნდა მოიგოს. გარდა იმისა, რომ ჰოლანდიელმა ჩემპიონთა ლიგა მოიგო და ძალიან ახლოს იყო პრემიერ ლიგის მოგებასთანაც, ის პრაქტიკულად გაუვალი კედელი გახლდათ. დროა ეს ჯილდო კვლავ მოიგოს მცველმა და ვინ გააკეთებს ამას თუ არა ვირჯილი ?"

"სხვა კანდიდატები? წელს არ არსებობენ. არგენტინელი ერთადერთი კონკურენტია, მაგრამ ვან დაიკი ოქროს ბურთს მესიზე მეტად იმსახურებს. ერთადერთი სწორი და სამართლიანი გადაწყვეტილება იქნება, თუ ის გაიმარჯვებს. ვირჯილი შესანიშნავად გამოიყურება მიმდინარე გათამაშებაშიც და ეჭვი არ მეპარება, რომ ის ასეთ მაღალ დონეზე თამაშს სტაბილურად წლების განმავლობაში მოახერხებს, რაც იმას ნიშნავს, რომ მას კიდევ მრავალჯერ ექნება ამ ჯილდოს მოგების შანსი." - განაცხადა მერფიმ.

#Flashscore