ფეხბურთი / მსოფლიო ფეხბურთი /
ფეხბურთის ღმერთი - დიეგო მარადონა
11/22/2019 21:39
425

დიეგო არმანდო მარადონა - მოთამაშე, რომელსაც უამრავი ადამიანი მსოფლიოს ყველა დროის საუკეთესო ფეხბურთელად მიიჩნევს. ზოგი მას აღმერთებს, ზოგს კი იმდენად უყვარს, რომ მისი გამოსახულებით სვირინგებს იკეთებს. მშობლიურ არგენტინაზე არანაკლებ აფასებენ მას ნაპოლის გულშემატკივრები, რომლებსაც მარადონამ არაერთი ბედნიერი წუთი აჩუქა.

ერიკ კანტონა:''გავა დრო და აუცილებლად აღიარებენ, რომ მარადონა ისევე იყო საჭირო ფეხბურთისთვის, როგორც მოცარტი მუსიკისთვის და რემბო პოეზიისთვის''

"ღარიბ არგენტინელებს ღმერთი ჭირდებათ, ამიტომაც აიგივებენ მასთან დიეგოს" - სოციოლოგი ელისეუ ვერონი.

''მარადონა გულებშია, იტალია კი სიმღერებში'' - ამ შინაარსის ბანერები იყო გამოტანილი სან-პაოლოს სტადიონზე 1990 წლის მსოფლიოს ჩემპიონატის 1/2 ფინალური მატჩის დროს, სადაც ერთმანეთს იტალია და არგენტინა ხვდებოდნენ.

''იცით, რატომ გავიმარჯვეთ მექსიკაში? იმიტომ, რომ გუნდში 20 ნორმალური და 1 არანორმალური ფეხბურთელი გვყავდა. ზუსტად ამ არანორმალურმა მოგვიტანა ჩემპიონობა - მარადონამ!'' - ხორხე ვალდანო 1986 წლის მუნდიალზე საუბრისას

"ღმერთის ხელი? დიახ ეს ფოკუსი მან ჯერ კიდევ ერთი წლით ადრე, იტალიის ჩემპიონატში გააკეთა, როდესაც ჩემი უდინეზე მის ნაპოლის ხვდებოდა. მე დიეგოსთან მივირბინე და ვთხოვე მას, რომ სიმართლე ეთქვა მსაჯისთვის. მარადონამ კი გაღიმებულმა მიპასუხა:''რა სიმართლე, რაზე მელაპარაკები?'' მაგრამ მაინც გენიოსია!" - იხსენებს ზიკო!

"მარადონას ცხოვრებაში ბევრი შავი ლაქაა. ერთ-ერთი კი ის გახლავთ, რომ უბურთოდ ვერსად პოულობდა თავის ადგილს, რა დროსაც შეცდომებს უშვებდა." - კრისტიან ბასედასი

"ნებისმიერი არგენტინელი, რომელმაც მარადონას შემდეგ დაიწყო თამაში, ცდილობდა რომ მისთვის მიებაძა და მისგან ესწავლა რაიმე, თუმცა შეუძლებელია მიბაძო მარადონას." - ბატისტუტა

"როცა არგენტინელ ხალხს ვინმე ევროპაში ჰკითხავდა თუ საიდან იყვნენ, ისინი პასუხობდნენ მარადონას ქვეყნიდანო. წარმოგიდგენიათ ის რაოდენ გასაოცარი მოვლენა იყო?" - ლეონარდო ასტრადა

"ამაყი ვარ, რომ ვარ ნაპოლის პრეზიდენტი. კლუბისა, რომელსაც ისეთი ლეგენდა ჰყავს, როგორიცაა მარადონა - მსოფლიოს ყველა დროის საუკეთესო ფეხბურთელი. ეს ჩემთვის დიდი პრივილეგიაა." - აურელიო დე ლაურენტისი.

როცა დიეგო არმანდო მარადონამ ნაპოლის პირველი ტიტული მოაგებინა, ნეაპოლის მაცხოვრებლებმა სასაფლაოზე ბანერი ჩამოკიდეს, რომელზეც ეწერა: ''თქვენ ვერც კი წარმოიდგენთ თუ რა გამოტოვეთ''

დიეგო მარადონა:"კამათს აზრი არ აქვს, თუ ვინ არის უკეთესი, მე თუ პელე. ნებისმიერი ადამიანი იტყვის, რომ უკეთესი მარადონაა."
 
"ვინც ჩემს ასეთ კარგ თამაშს კოკაინს აბრალებს, თითქოს მე ვყნოსავდი და იმიტომ ვთამაშობდი ასე, მოვიდეს, გასინჯოს კოკაინი და ითამაშოს ისე, როგორც მე ვთამაშობდი."
 
"მომეცით მე ბურთი და დაელოდეთ სასწაულს. მომეცით ბურთი და მაცალეთ გავაკეთო ის, რაც ვიცი. მომეცით ბურთი და მე შევცვლი სამყაროს"
 
"თუ გსურთ იხილოთ ნამდვილი ფეხბურთი, გააუქმეთ ტოტალიზატორები"
 
"ბარსელონამ ჩემს სანაცვლოდ 8 მილიონი გადაიხადა. ყოველ ვარჯიშზე კლუბის იმდროინდელი პრეზიდენტი ჩემთან მოდიოდა და მეუბნებოდა:"ფეხებს გაუფრთხილდი დიეგო, თითოეულ მათგანში 4 მილიონია გადახდილი"
 
"როცა ნეაპოლის ქუჩებში გავივლი ხოლმე, თავს ისე ვგრძნობ როგორც საკუთარ სახლში. შემიძლია ნებისმიერ ოჯახში შევიდე და ვაკეთო ის, რაც მომესურვება. მადლობა მათ ამისთვის"
 
"პელე? ის შურიანია. როცა მე და მესის ერთმანეთს გვადარებენ, ის იბოღმება."
#Flashscore