ფეხბურთი / ჩემპიონთა ლიგა /
"რეალის ბერნაბეუზე დამარცხებით ბევრ რამეს დავამტკიცებთ"
11/26/2019 9:29
245

დღეს ჩემპიონთა ლიგის მე-5 ტურის მატჩები გაიმართება. ერთ-ერთი ცენტრალური შეხვედრა კი მადრიდში, სანტიაგო ბერნაბეუზე შედგება, სადაც "სამეფო კლუბი" ჯგუფის ლიდერს, პსჟ-ს დაუპირისპირდება. გამოცემა goal.com-ი ავრცელებს პარიზელთა ახალგაზრდა ლიდერის, კილიან მბაპეს მატჩისწინა განცხადებას.

"ვფიქრობ მსოფლიო ფეხბურთის მასშტაბით არ არსებობს უფრო ძლიერი მეტოქე, ვიდრე მადრიდის რეალია. მითუმეტეს, როცა ის საშინაო არენაზე გამოდის. რეალის ბერნაბეუზე დამარცხებით ბევრ რამეს დავამტკიცებთ. პირველ რიგში კი იმას, რომ ჩვენ ტურნირის ერთ-ერთი მთავარი ფავორიტები ვართ."

"ზიდანის გუნდის სტუმრად დამარცხება ალბათ ყველაზე რთული რამაა. პსჟ-ს თითოეული ფეხბურთელი დიდი ხნის განმავლობაში ელოდა ამ შეხვედრას. კარგად გვესმის, რომ მეტოქე არცერთ შეცდომას არ გვაპატიებს, ამიტომ 100%-ით დავიხარჯებით. პირველი შეხვედრა და სატურნირო ცხრილის მდგომარეობა უნდა დავივიწყოთ და მხოლოდ ამ კონკრეტულ მატჩზე უნდა ვიფიქროთ. ახლა მთავარი სწორედ ის 90 წუთია, რომელიც წინ გველის." - განაცხადა კილიან მბაპემ.

შეგახსენებთ, რომ პირველ ტურში ფრანგებმა ესპანელებს 3-0 მოუგეს.

#Flashscore