ფეხბურთი / პრემიერლიგა /
ლიუნგბერგი დასახმარებლად ყოფილ თანაგუნდელს უხმობს
11/30/2019 15:36
225
  • ფრედი სამწვრთნელო შტაბის დაკომპლექტებას შეუდგა
  • ლიუნგბერგი სამუშაოდ ყოფილ თანაგუნდელს ეპატიჟება

 

ლონდონის არსენალის ხელმძღვანელებმა გუშინ უნაი ემერი მთავარი მწვრთნელის პოსტიდან გაათავისუფლეს და მის მაგივრად, ლეგენდარული ფეხბურთელი და ესპანელი სპეციალისტის აწ უკვე ყოფილი თანაშემწე, ფრედერიკ ლიუნგბერგი დანიშნეს. ლიუნგბერგი ამ ეტაპზე დროებითი მწვრთნელის სტატუსით სარგებლობს.

დღეს კი Guardian-მა გაავრცელა ინფორმაცია, რომ შვედი თავკაცი სამწვრთნელო შტაბში ყოფილ თანაგუნდელს, ჟილბერტო სილვას შეიყვანს. ბრაზილიელი ლონდონში ცხოვრობს და ამჟამად არსად მუშაობს. ამავე წყაროს ცნობით, ჟილბერტო ლონდონურ კლუბს უახლოეს დღეებში შეუერთდება.

აღსანიშნავია, რომ ჟილბერტო სილვა შესაძლოა ყოფილ ფეხბურთელთაგან ბოლო არ იყოს, რომელიც სამწვრთნელო შტაბში დაიწყებს მუშაობას. "მეთოფეებს" შესაძლოა რობერ პირესიც შეუერთდეს. 

 

ასევე იხილეთ: რედნაპის რჩევა ლონდონის არსენალს

#Flashscore