ქართული სპორტი / ქართული ფეხბურთი /
დასჯილი ქართველები | ლორია და კაჭარავა ქეცბაიამ განაცხადს მიღმა დატოვა
12/01/2019 10:25
771

 

  • ქეცბაია სადილზე დაგვიანებას არავის ჰპატიობს
  • ქართველები, დიდი ალბათობით, მე-12 ტურსაც გამოტოვებენ

კვიპროსის ჩემპიონატის მე-11 ტურში ანორთოსისი აეკს შეხვდა და 2:1 დაამარცხა. 

აღსანიშნავია, რომ განაცხადში გიორგი ლორია და ნიკა კაჭარავა ვერ მოხვდნენ. მიზეზი უცნობი იყო, სანამ თემურ ქეცბაიამ პრესკონფერენციაზე ყველაფერს “ფარდა არ ახადა“. 

“დიდი ლედის“ დამრიგებელმა განაცხადა, რომ ქართველმა ლეგიონერებმა სადილზე დააგვიანეს და ამის გამო მკაცრად დაისაჯნენ: 

ვთვლი, რომ სწორად მოვიქეცით. შეცდომას ყველა უშვებს. დანიშნულების ადგილას ყველა დროულად უნდა გამოცხადდეს. სხვებზე შეიძლება თვალი დამეხუჭა, მაგრამ ისინი ჩემი თანამემამულეები არიან და სამაგალითონი უნდა იყვნენ“, - ციტირებს anorthosis24.net-ი. 

შეგახსენებთ, ხსენებული დაპირისპირება თორნიკე ოქრიაშვილის ულამაზესი გოლით გამოირჩეოდა. ჩვენებურმა “მებრძოლების“ რიგებში 6 მატჩი ჩაატარა, 1 გოლი გაიტანა და 1 საგოლე გადაცემა ჩაიწერა აქტივში. 

 24sports.com.cy იუწყება, რომ დასჯილი ქართველები, დიდი ალბათობით, ვერც მე-12 ტურში იასპარეზებენ. 

ასევე იხილეთ: ანორთოსისმა ოქრიაშვილის ლამაზი გოლით მოიგო

#Flashscore