ქართული სპორტი / ქართული ფეხბურთი /
ინტერვიუ ოთარ კაკაბაძესთან | “ეჭვი არ მეპარება, რომ სტადიონი გაივსება...“
12/01/2019 16:03
323
  • კაკაბაძის ტრავმა სერიოზული არ აღმოჩნდა
  • ოთარი ერთა ლიგის მოახლოებულ მატჩებზე საუბრობს

24 წლის ქართველი ფეხბურთელი ოთარ კაკაბაძე, რომელიც ლუცერნისა და საქართველოს ეროვნული საფეხბურთო გუნდის მარჯვენა მცველია, 19 ნოემბერს ხორვატია-საქართველოს ამხანაგურ   შეხვედრაში  კოჭის ტრავმა მიიღო და მოედანი სამედიცინო პერსონალის დახმარებით დატოვა.

როგორც წესი, კოჭის ტრავმა საკმაოდ სერიოზულია და იმის გათვალისწინებით, რომ მარტში ჩვენს ნაკრებს უმნივნელოვანესი თამაშ-ები ელის ნიჭიერი
და ტექნიკურად ძლიერი ფეხბურთელის, ოთარ კაკაბაძის, დანაკლისი დიდი დარტყმა იქნებოდა. მითუმეტეს, რომ ეროვნული ნაკრების განაცხადში მის გარდა ნომინალური მარჯვენა მცველი არ გვყავს.

Croco.ge ოთარ კაკაბაძეს დაუკავშირდა და საინტერესო ინტერვიუ ჩაწერა




სამწუხაროა, რომ ამ უიღბლობის გამო ხორვატიასთან თამაში ვერ დავასრულე და ლუცერნს დარჩენილ ოთხ ტურშიც ვერ ვეხმარები, მაგრამ ტრავმა იმაზე მსუბუქი აღმოჩდა ვიდრე მეგონა. სავარაუდოდ გუნდთან ვარჯიშს იანვრის თვიდან შევძლებ და სეზონის მეორე ნახევრის დაწყების წინ შეკრებასაც სრულფასოვნად გავივლი.


ქართველმა გულშემატკივრებმა ნამდვილად დაიმსახურეს ის, რომ იხილონ საქართველოს ნაკრები ევროპის ჩემპიონატზე. ფინალში გასვლის შემთხვევაში სახლში ვითამაშებთ, რაც რა თქმა უნდა გამოსაყენებელია. მე ვფიქრობ,რომ ჩვენს ნაკრებს ეს ნამდვილად შეუძლია. არმოიდგინეთ რა მოხდება ჩვენ თუ ეს შევძელით. უბრალოდ იმას დავამატებ, რომ ყველა ფეხბურთელი აცნობიერებს თუ რასთან გვაქვს საქმე და ეს ძალიან მნიშვნელოვანია.

რა თქმა უნდა, იმ სამ გუნდსაც არანაკლებ უნდა ევროპის ჩემპიონატზე თამაში. ნამდვილად კარგი გუნდი ჰყავს სამივეს და მათი გულშემატკივარიც მათგან მოგებას ელის. სწორედ ამიტომ არის ამხელა მოლოდინი. რაც შეეხება საქართველოს ნაკრებს, ჩვენ პრეტენზია გვაქვს რომ ამ სამ გუნდზე ერთი თავით მაღლა ვიდგეთ მითუმეტეს სახლში თამაშის დროს. დანარჩენს რას დავუპირისპირებთ და როგორ ამას კარგად გავივლით ყველანი ერთად, მაგრამ მთავარი არის ვაჩვენოთ ტრიბუნაზე და მოედანზე, რომ იმ გუნდებზე ძალიან ჩვენ გვინდა ევროპის ჩემპიონატზე თამაში.


ეჭვი არ მეპარება, რომ სტადიონს გავავსებთ, ჩვენი გულშემატკივრი იმხელა ენერგიას გვმატებს, რომ ამის ახსნა შეუძლებელია.სწორედ ეს არის ჩვენი უდიდესი პლიუსი იმ სამ გუნდთან შედარებით.დიდი იმედი მაქვს, ჩვენს თამაშს მოვახვევთ თავს, რადგან ბედნიერი ჩვენ და ქართველი ხალხი უნდა დარჩეს.

ზაფხულამდე აუცილებლად ლუცერნს დავეხმარები, ცხრილში დაძაბულობაა, გასავარდნ ზონას ვუახლოვდებით და წინ რთული თამაშები გველის,ზაფხულის შემდეგ კი ვნახოთ, არაფერია გამორიცხული. გულშემატკივარს კი ვეტყვი, რომ ჩემი მიზნები დიდია და დიდი ხნით შვეიცარიაში გაჩერებას არ ვაპირებ“.

შეგახსენებთ, “ჯვაროსნები“ 26 მარტს ერთა ლიგის ნახევარფინალში ბელარუსს ხვდება, ხოლო ფინალში გასვლის შემთხვევაში ჩრ. მაკედონიასა და კოსოვოს შორის გამარჯვებულს დაუპირისპირდება. 

 

ასევე იხილეთ: ოთარ კაკაბაძემ საშინელი ტრავმა მიიღო

#Flashscore