ქართული სპორტი / ქართული ფეხბურთი /
ინტერვიუ გიორგი არაბიძესთან | “სულ ვიჩაგრებით...“
12/02/2019 17:03
78
  • ტრავმა და გაცდენილი 4 თვე
  • შანსები ევროპის ახალგაზრდულ ჩემპიონატზე
  • საქართველოს ნაკრები და ისტორიული მატჩები

ახალგაზრდა ქართველი ფეხბურთელი გიორგი არაბიძე, რომელიც საოცარი ტექნიკითა და დრიბლინგით გამოირჩევა საქართველო ასაკობრივი ნაკრებისა და თურქული ადანასპორის ფეხბურთელია.

საქართველოს ეროვნული ნაკრების შემადგენლობაში მისი  დებიუტი 2017 წლის 24 მარტს შედგა, სერბეთის წინააღმდეგ თამაშში. იგი მოედანზე ოთარ კაკაბაძის ნაცვლად გამოჩნდა. სამწუხაროა ის ფაქტი, რომ გიორგი არაბიძეს 11 ოქტომბრის შემდეგ კოჭის ტრავმის გამო არ უთამაშია.

ის მოედანს  დაახლოებით 3-4 თვეში დაუბრუნდება. Croco.ge საქართველოს ნაკრებისა და თურქული ადანსპორის ფეხბურთელს დაუკავშირდა და სანაკრებო ბატალიებსა და სამომავლო გეგმებზე ესაუბრო.

ოპერაციის შემდეგ...

კარგად ვგრძნობ თავს და ოპერაციამაც წარმატებით ჩაიარა.გართულება თუ არ იქნება ექვს კვირაში დავიწყებ რეაბილიტაციას, გუნდს კი თებერვლის ბოლოს შევუერთდები.

ასაკობრივი ნაკრების “წარუმატებლობის“ მიზეზი...


გამოცდილებაც და ბევრი რამ იმიტომ, რომ საერთაშორისო დონეზე გვიწევს თამაში კარგ გუნდებთან რასაც ბიჭები არ არიან მიჩვეულნი. გარემო ეუცხოებათ, რაღაც უშლით ხელს, ბოლომდე გახსნილები იყვნენ. გამოცდილების ბრალიც არის, რადგან ნაკრებში თამაში დიდი პასუხისმგებლობაა.


მსაჯების უხეში შეცდომები... 

ამაზე პოსტიც გავაკეთე. სულ ვიჩაგრებით. იმას არ ვამბობ ,რომ მარტო მსაჯებზე გავიშვიროთ ხელი, მაგრამ სიმპატიები სულ ჩვენი მოწინააღმდეგების მხარესაა,რაც გამაღიზიანებელია .

ახალგაზრდულ ევროპის ჩემპიონატზე მოხვედრის შანსები... 


რა თქმა უნდა, შანსები გვაქვს, ასეთი დამოკიდებულება და ასეთი ქულების დაკარგვა უფრო დიდ მოტივაციას მოგვცემს მთელ გუნდს .ყველა თამაშზე მოსაგებად გავდივართ და ახლა ეს ყველაფერი, პასუხისმგებლობაც და მონდომებაც გაორმაგებული იქნება. უბრალოდ უნდა დავანახოთ ყველას და მათ ვისაც ვეთამაშებით, რომ ადვილად საქართველოს ვერ გაივლიან. საკუთარ კედლებში ყველასთან  უნდა ვლიდერობდეთ.


თურქეთი და ახალი შეთავაზებები...


მაისამდე თურქეთში ვარ, სადაც სათამაშო პრაქტიკის გამო წამოვედი. ეს ყველაზე მნიშვნელოვანია ჩემთვის და ყველა ფეხბურთელისთვის. ღმეთის წყალობით, თუ ყველაფერი კარგად იქნება, მაქვს ვარიანტები, თუმცა ამის შესახებ ჯერ არ მსურს საუბარი. უბრალოდ ერთს ვიტყვი გადავალ ისეთ გუნდში, სადაც სულ ვითამაშებ.

ეროვნული ნაკრების ისტორიული შანსი და შეფასება... 

შანსები ყველასთან არის. მთავარია დამოკიდებულება ყველა თამაშის მიმართ და რწმენა. ყველას გაცნობიერებული აქვს თუ რამხელა წარმატება იქნება საქართველოსთვის. მე მჯერა თითოეული ფებურთელი მაქსიმუმს გააკეთებს ამ სიხარულისთვის.

 

ასევე იხილეთ: გიორგი არაბიძეს ოპერაცია დასჭირდა

#Flashscore