ფეხბურთი / სერია ა /
იტალიური გრანდის აღმასრულებელმა დირექტორმა ვიდალის ინტერესი დაადასტურა
12/02/2019 17:03
132
  • მაროტა ვიდალს ვერ ივიწყებს
  • ანტონიო კონტე ბეპე მაროტას აზრს იზიარებს

 

იტალიური გრანდის მილანის ინტერის აღმასრულებელმა დირექტორმა ბეპე მაროტამ, არტურო ვიდალზე ისაუბრა.

ჩილელი ნახევარმცველის სახელს, ბოლო პერიოდში "ნერაძურის" აქტიურად უკავშირებენ. მეტიც, ზოგიერთი იტალიური გამოცემა იმასაც წერს, რომ ვიდალი მილანურ გრანდში შესაძლოა იანვარშივე გადაბარგდეს.

დღეს ინტერის აღმასრულებელმა დირექტორმა ბეპე მაროტამ, ვიდალის მიმართ ინტერესი დაადასტურა:

"ვიდალი საოცარი ფეხბურთელია. ამაზე მეც და ანტონიო კონტესაც ერთი აზრი გვაქვს.

მის დამატებას არაერთი კლუბი ისურვებდა, მაგრამ სამწუხაროდ ის ბარსელონას ფეხბურთელია." - განაცხადა ბეპე მაროტამ.

შეგახსენებთ, რომ არტურო ვიდალი იუვენტუსში სწორედ ანტონიო კონტეს მუშაობის პერიოდში თამაშობდა. ბეპე მაროტა კი ტურინულ გრანდში მსგავს პოზიციას იკავებდა.  

 

ასევე იხილეთ: ვიდალი ყოფილ მწვრთნელს ემადლიერება

 

#Flashscore