ჩოგბურთი / ATP /
ფედერერი სამშობლოში დააფასეს - შვეიცარია სპეციალურ 20-ფრანკიანს უშვებს
12/02/2019 18:14
183
  • შვეიცარიაში როჯერ ფედერერის გამოსახულებით ფულს მოჭრიან
  • ჩოგბურთის ცოცხალი ლეგენდა სამშობლოში კიდევ ერთხელ, გამორჩეულად დააფასეს

შვეიცარიის მთავრობის გადაწყვეტილებით, როჯერ ფედერერის საპატივსაცემოდ ახალი, ვერცხლის 20-ფრანკიანები დამზადდება.

აღსანიშნავია, რომ როჯერი პირველი ცოცხალი ადამიანია, რომლის საპატივსაცემოდაც ფულს მოჭრიან. 

ფედერერის გამოსახულებით ვერცხლის 20-ფრანკიანი მონეტები შეზღუდული რაოდენობით, 2020 წლის იანვარში გამოვა. მანამდე კი გულშემატკივრებს მისი შეკვეთა წინასწარ შეეძლებათ. მონეტის ფასი კი 30 შვეიცარიული ფრანკი იქნება. შვეიცარიის ბანკის ცნობით, ლეგენდარული ჩოგბურთელის გამოსახულებით სულ 95 000 მონეტა დამზადდება.

2020 წლის მაისში კი ფედერერს ოქროს 50-ფრანკიან მონეტასაც მიუძღვნიან.

"ინდივიდუალურ სპორტის სახეობაში როჯერი ჩვენი ქვეყნისთვის, ალბათ, ყველაზე წარმატებული ათლეტია და ამავდროულად ის შვეიცარიის იდეალური ელჩია", - ნათქვამია შვეიცარიის მთავრობის განცხადებაში.

თავის მხრივ კი ჩოგბურთის ცოცხალმა ლეგენდამ მადლობა ტვიტერის მეშვეობით გადაიხადა.

"დიდი მადლობა შვეიცარიას ამ უდიდესი პატივისა და პრივილეგიისთვის", - წერს როჯერი.

შეგახსენებთ, რომ 38 წლის როჯერ ფედერერს კარიერაში ყველაზე მეტი, 20 გრანდ სლემი აქვს მოგებული. ამჟამად შვეიცარიელი ლეგენდა მსოფლიო რეიტინგში მესამე ადგილს იკავებს და კაერიერის დასრულებას ჯერაც არ გეგმავს.

ასევე იხილეთ: რეკორდული დასწრება და სიყვარულის ახსნა მექსიკურად

#Flashscore