ფეხბურთი / ქართული ფეხბურთი /
საქართველოს ფუტსალის ნაკრები ბელგიასთან ამხანაგურ მატჩებს გამართავს
12/02/2019 19:21
134
  • საქართველოს ფუტსალის ეროვნული ნაკრები ევროპის ჩემპიონატის საკვალიფიკაციო ეტაპისთვის მზადებას იწყებს
  • ბელგიასთან ამხანაგურ მატჩებში ჩვენს ნაკრებს რამდენიმე წამყვანი მოთამაშე დააკლდება

საქართველოს ფუტსალის ეროვნული ნაკრები ევრო 2022-ის საკვალიფიკაციო ეტაპისთვის მზადებას იწყებს. ავთანდილ ასათიანის გუნდი წლის ბოლო ამხანაგურ შეხვედრებს ბელგიის წინააღმდეგ გამართავს. საერთაშორისო ამხანაგური მატჩები 2 და 3 დეკემბერს ბელგიის ქალაქ ჰერენტალსის სპორტის სასახლეში გაიმართება. ბელგია-საქართველოს ორივე მატჩი ადგილობრივი დროით 20:30 საათზე დაიწყება.

საქართველოს ფუტსალის ეროვნული ნაკრები მომდევნო ამხანაგურ მატჩებს რამდენიმე წამყვანი მოთამაშის გარეშე გამართავს. მთავარმა მწვრთნელმა ავთანდილ ასათიანმა უახლოესი მატჩებისთვის 14 ფეხბურთელი გამოიძახა.

მეკარეები: ზვიად კუპატაძე (გაზპრომ-იუგრა, რუსეთი), ალექსანდრე ჯამბურია (თელასი, თბილისი)

​მცველები: შოთა თოფურია (თელასი, თბილისი), მიხეილ თევზაძე (თელასი, თბილისი), ბექა ბექაური (კავკასიის უნივერსიტეტი, თბილისი)

​ნახევარმცველები: ნიკოლოზ კურტანიძე (პსპ, თბილისი), ვახტანგ ჯვარაშვული (თელასი, თბილისი), კახაბერ მაისაია (სალინესი, ბოსნია-ჰერცეგოვინა), ნუკრი ჭუმბურიძე (თელასი, თბილისი), გიორგი ღავთაძე (კავკასიის უნივერსიტეტი, თბილისი)

​თავდამსხმელები: ირაკლი თოდუა (თელასი, თბილისი), გიორგი სილაგავა (რედ დრაგონსი, პოლონეთი), არჩილ სებისკვერაძე (სვაროგი, ჩეხეთი), ჯანიკო გიორგაია (თელასი, თბილისი)

​ევრო 2022-ის საკვალიფიკაციო ეტაპზე საქართველოს ფუტსალის ეროვნული ნაკრები F ჯგუფში გერმანიის, კოსოვოსა და ავსტრიის ნაკრებებთან ერთად იასპარეზებს. შეხვედრები 29 იანვრიდან 1 თებერვლის ჩათვლით გაიმართება.

ასევე იხილეთ: საქართველოს ნაკრებმა ფინეთთან გადამწყვეტი მატჩი დათმო

მომზადებულია gff.ge-ს მიხედვით

#Flashscore