ფეხბურთი / სერია ა /
"ოქროს ბურთის" ნაცვლად სერია ა-ს დაჯილდოებაზე - რონალდუ მილანში მიდის
12/02/2019 21:12
293
  • მილანში სერია ა-ს გაუსლი სეზონის საუკეთესოებს დააჯილდოებენ
  • კრიშტიანუ რონალდუს წლის საუკეთესო ფეხბურთელის ჯილდოს გადასცემენ

დღეს, პარიზში ყველაზე პრესტიჟული საფეხებურთო ჯილდოს გალაღონისძიება გაიმართება, თუმცა ამავდროულად, მილანში იტალიის სერია ა-ს საუკეთესოებს დააჯილდოებენ.

როგორც ცნობილი გახდა, "ოქროს ბურთის" ერთ-ერთმა ნომინანტმა და ხუთგზის გამარჯვებულმა, კრიშტიანუ რონალდუმ France Football-ის დაჯილდოებაზე დასწრებას, მილანში გამგზავრება არჩია. იტალიური მედიის ინფორმაციით, რონალდუ ყველაზე მნიშვნელოვანი ჯილდოს ცერემონიას მხოლოდ იმიტომ არ დაესწრება, რომ გამარჯვებული თავად არ იქნება.

აღსანიშნავია, რომ მილანში გასამართ ღონისძიებაზე სერია ა-ს საუკეთესო ფეხბურთელის წოდებას სწორედ კრიშტიანუ რონალდუს გადასცემენ.

შეგახსენებთ, რომ სხვადასხვა მედიაში გავრცელებული ინფორმაციის თანახმად, 2019 წლის "ოქროს ბურთის" გამარჯვებული ლიონელ მესი გახდება.

ცნობისთვის, "ოქროს ბურთის" დაჯილდოება პარიზში, შალეს თეარტში შედგება. ღონისძიება თბილისის დროით 23:30 საათზე დაიწყება.

ასევე იხილეთ: დოლორეს ავეირუ: "რომ არა საფეხბურთო მაფია, ჩემს შვილს მეტი ოქროს ბურთი ექნებოდა"

#Flashscore