ფეხბურთი / მსოფლიო ფეხბურთი /
მატიის დე ლიხტი Kopa Trophy-ს გამარჯვებულია
12/02/2019 23:58
202
  • მატიის დე ლიხტი 2019 წლის სეზონის საუკეთესო ახალგაზრდა ფეხბურთელად დაასახელეს
  • ჰოლანდიელ ცენტრალურ მცველს ჯილდო გასული წლის გამარჯვებულმა, კილიან მბაპემ გადასცა

საფრანგეთის დედაქალაქ პარიზში, შატლეს თეატრში "ოქროს ბურთის" დაჯილდოების რიგით 64-ე ცერემონია მიმდინარეობს.

გალაღონისძიების კულმინაციამდე და მსოფლიოს საუკეთესო ფეხბურთელის გამოვლენამდე, წლის საუკეთესო ახალგაზრდა ფეხბურთელი დაასახელეს.

გასული სეზონის Kopa Trophy-ის გამარჯვებულმა, კილიან მბაპემ 2019 წლის საუკეთესო ახალგაზრდა ფეხბურთელი გამოავლინა. ხმათა უმრავლესობით Kopa Trophy 2019 იუვენტისის ჰოლანდიელ ცენტრალურ მცველს, მატიის დე ლიხტს გადაეცა. 

2019 წლის საუკეთესო ახალგაზრდა ფეხბურთელის ნომინაციაში კი მეორე ადგილი დორტმუნდის ბორუსიას ინგლისელმა ნახევარმცველმა, ჯეიდონ სანჩომ დაიკავა, ხოლო მესამე ადგილი მადრიდის ატლეტიკოს ახალგაზრდა ფეხბურთელს, ჟოაო ფელიქსს ერგო.

შეგახსენებთ, რომ მატიის დე ლიხტი ზაფხულის სატრასფერო ფანჯრისას ერთ-ერთი ყველაზე მოთხოვნადი ფეხბურთელი გახლდათ. მას არაერთ გრანდს უკავშირებდნენ, მათ შორის მადრიდის რეალსა და ბარსელონას, თუმცა 20 წლის ჰოლანდიელმა კარიერის გაგრძელება ტურინის იუვენტუსში გადაწყვიტა. 

ასევე იხილეთ: "ოქროს ბურთის" ნაცვლად სერია ა-ს დაჯილდოებაზე - რონალდუ მილანში მიდის

#Flashscore