ფეხბურთი / მსოფლიო ფეხბურთი /
ალისონ ბეკერს ლევ იაშინის ჯილდო გადაეცა
12/03/2019 0:16
161
  • France Football-მა მეკარეებისთვის განსაკუთრებული ჯილდო დააწესა
  • ლევ იაშინის ჯილდოს პირველი გამარჯვებული ალისონ ბეკერი გახდა

საფრანგეთის დედაქალაქ პარიზში, შატლეს თეატრში "ოქროს ბურთის" დაჯილდოების რიგით 64-ე ცერემონია მიმდინარეობს.

გალაღონისძიების კულმინაციამდე და მსოფლიოს საუკეთესო ფეხბურთელის გამოვლენამდე, წლის საუკეთესო მეკარე დაასახელეს.

ლევ იაშინის ჯილდოს პირველი გამარჯვებული კი ლივერპულის ბრაზილიელი მეკარე, ალისონ ბეკერი გახდა. წლის საუკეთესო მეკარეს, ლევ იაშინის ჯილდო მიუნხენის ბაიერნის გოლეადორმა, რობერტ ლევანდოვსკიმ გადასცა.

ალისონ ბეკერს 2019 წელს ფანტასტიკური სეზონი ჰქონდა. მან ლივერპულთან ერთად ჩემპიონთა ლიგა მოიგო, ხოლო ბრაზილიის ეროვნულ ნაკრებთან ერთად კოპა ამერიკის ჩემპიონი გახდა.

აღსანიშნავია, რომ იაშინის ჯილდოს ნომინაციაში მეორე ადგილზე ბარსელონას გერმანელი გოლკიპერი, მარკ-ანდრე ტერ შტეგენი გავიდა, ხოლო მესამე ადგილს მანჩესტერ სიტის ასევე ბრაზილიელი მეკარე, ედერსონი დასჯერდა.

შეგახსენებთ, რომ მიმდინარე სეზონში ალისონ ბეკერს ფიფას საუკეთესო მეკარის ჯილდოც გადაეცა.

ასევე იხილეთ: მატიის დე ლიხტი Kopa Trophy-ს გამარჯვებულია

#Flashscore