სხვა / კრივი /
ჯოშუამ რუისი დაამარცხა და ტიტული დაიბრუნა
12/08/2019 11:03
388
  • ენტონი ჯოშუამ ტიტული დაიბრუნა
  • ბრიტანელი მძიმეწონოსანი მსოფლიოს ორგზის ჩემპიონია

კრივის მსოფლიო ორგანიზაციის (WBO), კრივის საერთაშორისო ფედერაციის (IBF), კრივის მსოფლიო ასოციაციის (WBA) და ​კრივის საერთაშორისო​ ორგანიზაციის (IBO) ვერსიებით ჩემპიონის ტიტულისთვის ბრძოლაში ბრიტანელმა მძიმეწონოსანმა ენტონი ჯოშუამ, ამერიკელი ენდი რუისი დაამარცხა.

 

მატჩ-რევანში საუდის არაბეთის ქალაქ დირაიაში გაიმართა. 12 რაუნდის შემდეგ მსაჯებმა გამარჯვებულად ჯოშუა გამოაცხადეს - 118:110, 118:110, 118:110.

WBO-სIBF-ისWBA-ისა და IBO-ს საჩემპიონო ქამრები ჯოშუამ რუისთან მიმდინარე წლის ივნისში დათმო.

ბრიტანელი მძიმე წონაში უკვე მსოფლიოს ორგზის ჩემპიონია. ის ისეთ დიდ მოკრივეებს შეუერთდა, რომლებმაც მძიმე წონაში ტიტულის დაბრუნება შეძლეს. ასეთები არიან: მუჰამედ ალი, ლენოქს ლუისი, ევანდერ ჰოლიფილდი, მაიკ ტაისონი და ფლოიდ პატერსონი.

 

ასევე იხილეთ: ენტონი ჯოშუა - ლონდონელი "მხეცი"

#Flashscore