ქართული სპორტი / ქართული ფეხბურთი /
ისტორიაში პირველად | საბურთალო თასის მფლობელია
12/08/2019 17:19
175
  • საბურთალო დავით ყიფიანის სახელობის თასის გამარჯვებულია
  • ლოკომოტივი ევროპა ლიგის საკვალიფიკაციო ეტაპზე გავიდა

 

დავით ყიფიანის სახელობის საქართველოს თასის ფინალურ ეტაპზე ერთმანეთს საბურთალო და ლოკომოტივი დაუპირისპირდნენ. 

გორში ჩანიშნულ შეხვედრაში საბურთალომ გოლი მე-12 წუთზე გაიტანა. გიორგი კოხრეიძემ შორეული საჯარიმო დარტყმა იდეალურად შეასრულა და ბულისკერიას კარი დალაშქრა (1:0). 

გიორგი ჭიაბრიშვილის შეგირდებმა მე-19 წუთზე სხვაობა ორამდე გაზარდეს. ამჯერად, თავის გამოჩენა გიორგი გაბედავამ მოახერხა (2:0). პირველ ტაიმში საბურთალო უპირატესობას ფლობდა, თუმცა ტაბლოზე არაფერი შეცვლილა (2:0). 

 

მეორე ტაიმი “რკინიგზელებისთვის“ კარგად დაიწყო. 52-ე წუთზე რეხვიაშვილმა საკუთარ საჯარიმოში იუხეშა და მსაჯმა პენლატი დანიშნა, რომელიც სიხარულიძემ იდეალურად შეასრულა. 

ნომინალური სტუმრები მეორე ნახევარში გააქტიურდნენ, რასაც საბურთალოელებმა უხეშობით უპასუხეს. 61-ე წუთზე ინჯგია მეკარესთან მარტო დარჩა, თუმცა კუპატაძის კარი ვერ დალაშქრა. 

დარჩენილ დროში განსაკუთრებული არაფერი მომხდარა. “თენგიზ ბურჯანაძის სახელობის სტადიონზე“ შეკრებილი ქომაგები პელეს (დავით ჯიქია)  გამოჩენამ აახმაურა, თუმცა მას ფაქტობრივად არაფერი გამოუვიდა. 

89-ე წუთზე კაკუბავამ მესამე გოლი გაიტანა და საბურთალოს ისტორიაში პირველი სათასო ტიტული გაუნაღდა (3:1). 

 

ასევე იხილეთ: ლოკომ ევროპა ლიგის შესარჩევი გაინაღდა

#Flashscore