ფეხბურთი / ლა ლიგა /
ელ კლასიკოს მსაჯთა ბრიგადის ვინაობა ცნობილია
12/09/2019 17:27
262
  • 18 დეკემბერს ბარსელონა კამპ ნოუზე მადრიდის რეალს უმასპინძლებს
  • ესპანეთის ფეხბურთის ფედერაციამ ელ კლასიკოს მთავარ არბიტრად ალეხანდრო ერნანდეს ერნანდესი დანიშნა

18 დეკემბერს კამპ ნოუზე კატალონიის ბარსელონა მადრიდის რეალს უმასპინძლებს. ესპანეთის ჩემპიონატში გადადებული ტური სწორედ ელ კლასიკოა, რომელიც კატალონიაში არსებული არეულობის გამო ჩაიშალა.

წლის ერთ-ერთი ყველაზე მნიშვნელოვანი მატჩისთვის ესპანეთის ფეხბურთის ფედერაციამ მსაჯთა ბრიგადა დაასახელა. ელ კლასიკოს მთავარი მსაჯი, ალეხანდრო ერნანდეს ერნანდესი იქნება, რომელსაც პარტნიორობას ტეოდორო სობრინო მაგანი და ხოსე ენრიკე ნარანხო პერესი გაუწევენ, მესამე არბიტრის ამპლუაში კი რაულ მარტინ გონსალეს ფრანსესი იქნება.

ბარსელონასა და რეალის დაპირისპირებაში VAR-ს რიკარდო დე ბურგოსი უხელმძღვანელებს, ხოლო მისი ასისტენტი ჯონ ნუნიეს ფერნანდესი იქნება.

შეგახსენებთ, რომ ელ კლასიკო 26 ოქტომბერს, ბარსელონაში უნდა გამართულიყო, თუმცა კატალონიელი რადიკალების პროტესტის გამო, ბარსასა და რეალს შორის მატჩი გადაიდო.

ცნობისთვის, ბარსელონასა და რეალს ლა ლიგაში ჩატარებული 178 მატჩიდან 72-72 მატჩი აქვთ მოგებული, 34 კი ფრედ დასრულდა. 

ასევე იხილეთ: ლაზარეთად ქცეული რეალი | ზიდანს კლასიკოზე განსაცდელი ელის

#Flashscore