ჩოგბურთი / ATP /
ნიკოლოზ ბასილაშვილი გარიგებულ მატჩებს დაუკავშირეს
12/16/2019 18:47
1037
  • Tenniscircus.com-მა საქართველოს პირველი ჩოგანი, ნიკოლოზ ბასილაშვილი გარიგებულ მატჩებს დაუკავშირა
  • ბელგიის პროკურატურა ჩოგბურთში ჩაწყობილი მატჩების საქმეს იძიებს

გერმანული გამოცემა ZDF სკანდალურ რეპორტაჟს აქვეყნებს. ZDF ჩოგბურთში მაფიის არსებობასა და გარიგებულ მატჩებზე საუბრობს.

მათი ცნობით, ბელგიური სამართალდამცავი ორგანო საქმეს უკვე იძიებს, სადაც 130-ზე მეტი ჩოგბურთელის სახელიც ფიგურირებს, მათ შორის კი ერთ-ერთი მათგანი ტოპ 30-დან არის, რომელსაც ATP-ის სამი ტიტული აქვს მოგებული. Tenniscircus.com-ის ცნობით კი, ერთ-ერთი ასეთი მათგანი ნიკოლოზ ბასილაშვილია. იტალიური გამოცემა ქართველ ჩოგბურთელს გარიგებულ მატჩებს უკავშირებს და ამბობს, რომ შესაძლოა, გამოძიების ერთ-ერთი "გმირი" სწორედ ბასილაშვილი იყოს.

ZDF-ის ერთ-ერთი მოწმე ცნობილი გერმანელი ჩოგბურთელი, ანა პეტკოვიჩია, რომელიც ჰყვება, რომ მსგავსი ტიპის მაფიები ჩოგბურთელებთან ხშირად ახერხებენ კომუნიკაციას. ისინი ჩოგბურთელებს რთულ მომენტებში გამოიჭერენ, შემდეგ კი მათი დაყოლიება არც ისე რთული ხდება. ძირითად შემთხვევებში კი ისინი "თანამშრომლობას" დამწყებ ჩოგბურთელებთან ახერხებენ. მსგავსი ორგანიზაციები მიმართავენ იმ ჩოგბურთელებს, რომლებიც ღარიბი ქვეყნებიდან არიან, ან არ ჰყავთ სპონსორები ან ეროვნული ფედერაციები მათ არ ეხმარებიან. იმისთვის, რომ სპორტსმენები ტურნირებზე მოხვდნენ, მათ ფინანსური სახსრები სჭირდებათ, სწორედ ამიტომ, მსგავსი მაფიები მათ დაყოლიებას მარტივად ახერხებენ.

შეგახსენებთ, რომ ნიკოლოზ ბასილაშვილმა მარჯვენა იდაყვზე ოპერაცია გაიკეთა. საქართელოს პირველი ჩოგანი რეაბილიტაციის შემდეგ ახალ სანაკრებო ტურნირში, ATP Cup-ზე იასპარეზებს. ნიკასთან ერთად ტურნირში მონაწილეობას სანდრო მეტრეველი მიიღებს. ტურნირი ავსტრალიის სამ ქალაქში, პერთში, სიდნეისა და ბრისბენში გაიმართება. საქართველოს ნაკრები კი ესპანეთთან, იაპონიასა და ურუგვაისთან ერთად B ჯგუფში იასპარეზებს.

ასევე იხილეთ: ბასილაშვილი ფედერერთან, ჯოკოვიჩთან და ნადალთან ერთად

#Flashscore