კალათბურთი / NBA /
NBA დაიჯესტი - კავაიმ ტორონტო ვერ იხსნა, დონჩიჩმა არც დეტროიტი დაინდო
01/26/2019 10:47
612

ლიგის ერთ-ერთი საუკეთესო მცველი საუკეთესო მექულის წინააღმდეგ. შესანიშნავი სათაურია. სწორედ ეს შედგა გუშინ ღამით ტორონტოში. კავაი ლეონარდმა და რაპტორსმა ჯეიმს ჰარდენს და ჰიუსტონ როკეტსს უმასპინძლეს. როგორც მოსალოდნელი იყო შეხვედრა დაძაბული გამოდგა და მატჩის ბედი ბოლო წამებზე გადაწყდა. სწორედ კავაის აცილებული სამქულიანით მოახერხა ჰიუსტონმა გამარჯვება. კანადელთა ლიდერმა 32 ქულა, 7 მოხსნა და 5 შედეგიანი გადაცემა მიითვალა. ჯეიმს ჰარდენმა 35 ქულას და 7 ასისტსს მოუყარა თავი და ჰიუსტონმა 121-119 მოიგო.

ზაზა ფაჩულია ყოფილ გუნდს დაუბრუნდა. დალასში დეტროიტს საკმაოდ რთული მატჩის ჩატარება მოუწია და ქართველი ცენტრისთვისაც დიდი დრო არ დარჩა. პისტონსს დრამონდი დაუბრუნა, რომელმაც 23 ქულას და 15 მოხსნას მოუყარა თავი, ბლეიკ გრიფინმა 35-ქულიანი პერფომანსი შემოგვთავაზა, თუმცა ღამის მთავარი ისტორია ლუკა დონჩიჩი გახლდათ. სლოვენიელი ვუნდერკინდი შესანიშნავი იყო და ეს სტატისტიკაშიც აისახა. ლუკამ 32 ქულა, 8 მოხსნა და 8 შედეგიანი გადაცემა მოაგროვა და დალასს 106-101 მოაგებინა.

იანის ანტეტოკუნმპოს სროლის გარდა ყველაფერი შეუძლია. ეს გუშინდელ შეხვედრაშიც გამოჩნდა. მილუოკიმ შარლოტ ჰორნეთსს უმასპინძლა და სწორედ შეშლილი ბერძენის ლიდერობით იმარჯვა. იანისმა 34 ქულისა და 14 მოხსნის მოგროვება მოახერხა და მილუოკიმ სტუმრები 108-99 დაამარცხა.

მინესოტას სასწაულამდე ცოტა დააკლდა. სოლთ ლეიქ სითიში იუტა მესამე მეოთხედში 22 ქულას იგებდა და შეხვედრის დასრულებამდე 1 წუთით ადრე სტუმრებმა ანგარიშში სხვაობა 1 ქულამდე შეამცირეს. საბოლოოდ ჯაზმა გამარჯვების მოპოვება მაინც მოახერხა, თუნდა თაუნზის (33ქ/10მ) და კომპანიის მცდელობები ნამდვილად დასაფასებელია. შესანიშნავი იყო დონოვან მიჩელი, რომელმაც 24 ქულას, 7 მოხსნას და 11 შედეგიან გადაცემას მოუყარა თავი, ხოლო რუდი გობერმა მორიგი ორმაგი დუბლი 18 ქულით და 16 მოხსნით გაიფორმა. 

სამმაგი დუბლი შეასრულა ლუ უილიამსმა. დანილო გალინარის არ ყოფნაში ლუ კლიპერსისთვის უმნიშვნელოვანესი მოთამაშეა და ლიგის ერთ-ერთმა საუკეთესო მეექვსე მოთამაშემ ჩიკაგოში 31 ქულა, 10 მოხსნა და 10 შედეგიანი გადაცემა მიითვალა. მასპინძელთაგან ზაკ ლავინმა 29 ქულას მოუყარა თავი, თუმცა ბულსი კლიპერსთან 101-106 დამარცხდა.

დაძაბული მატჩი მოიგო საკრამენტო კინგსმა. მემფისში ჩატარებული შეხვედრა ბადი ჰილდის (26ქ/7მ) ბენეფისად იქცა. დი აარონ ფოქსმა თანაგუნდელის გარჯას 22 ქულა შემატა და საკრამენტომ ტენესიში 99-96 იმარჯვა.

ბრედლი ფილი საოცარ ფორმაშია. გუშინ ღამით ვაშინგტონი ორლანდოს ეწვია და სწორედ ახალგაზრდა მსროლელის შესანიშნავი პერფომანსით იმარჯვა. ბრედლიმ 27 ქულა, 6 მოხსნა და 7 შედეგიანი გადაცემა დააგროვა და ვიზარდსმა ორლანდოს 95-91 სძლია. მასპინძელთაგან 28 ქულითა და 9 მოხსნით ნიკოლა ვუჩევიჩი გამოირჩა, თუმცა მეჯიკი ბოლო წუთებზე დამარცხდა.

ჯასტის ვინსლოუს გამთამაშებლობამ აშკარადა გაამართლა. მაიამი ჰიტმა კლივლენდში იმარჯვა. ვინსლოუმ 27 ქულა და 7 მოხსნა მიითვალა, ჰასან ვაითსაიდმა (14ქ/13მ) მორიგი ორმაგი დუბლი გაიფორმა და ერიკ სპოელსტრას გუნდმა ლიგის ერთ-ერთი აუტსაიდერი 100-94 დაამარცხა.

ნიუ იორკის დერბი ნეთსის გამარჯვებით დასრულდა. "ბარქლეი ცენტრში" ედ დევისის 17 ქულა და 16 მოხსნა ნიქსისთვის გადაუჭრელი პრობლემა აღმოჩნდა. ტრეი ბერკმა 25 ქულა მიითვალა, ხოლო ნოა ვონლემ (22ქ/13მ) ორმაგი დუბლი მიითვალა, თუმცა ნიქსმა 99-109 წააგო.

დენვერს არც თავისი ლიდერი, ნიკოლა იოკიჩს გარეშე გაჭირვებია. კოლორადოს ფინიქს სანსი ეწვია და დევინ ბუკერის 35 ქულის მიუხედავად დიდი ანგარიშით, 95-132 დამარცხდა. იოკიჩის არ ყოფნაში გუნდს პოლ მილსაპმა ულიდერა, რომელმაც 20 ქულის და 9 მოხსნის მოგროვება მოახერხა.

 

#Flashscore