ფეხბურთი / ჩემპიონთა ლიგა /
კიკე სეტიენის საფეხბურთო ფილოსოფია
01/16/2020 14:33
382

კატოლონიური ბარსელონას ახალი მთავარი მწვრთნელი კიკე სეტიენი საფეხბურთო საზოგადოებისთვის შედარებით უცნობი პერსონაა. მისი სამწვრთნელო კარიერის მწვერვალად სევილიის რეალ ბეტისი ითვლება, სადაც კიკემ მხოლოდ 2 წელი გაატარა, თუმცა ყველას დაუმტკიცა, რომ უმაღლესი დონის სპეციალისტია.

საინტერესოა რას ამბობდა ის მის იმიჟამინდელ კლუბზე და როგორ ესახებოდა მისი განვითარება.

ბეტისი

Image result for quique setien

"სევილიაში ვნების ცნება განსხვავებულად ესმით. ჩემთვის, როგორც ჩრდილოეთში დაბადებული ადამიანისთვის, ხანდახან რთულია ამის გაგება.

ყოველთვის მჯეროდა, რომ გამარჯვება სწორი გადაწყვეტილებების ერთობლიობით მიიღწევა. მაგრამ აქ საკითხებს ოდნავ არარაციონალურად უყურებენ. "შენ ვალდებული ხარ მოიგო, რადგან ეს "ბეტისია".

რა თქმა უნდა ისეთი გულშემატკივრებიც გვყავს, რომელთაც არ ესმით რატომ ვმუშაობთ ასე და არა სხვაგვარად. ისინი მხოლოდ ორ უკიდურესობას ხედავენ - გამარჯვებას ან მარცხს. ჩემთვის ეს პროფესიის ყველაზე რთული ნაწილია.

"ბეტისის" გულშემატკივრების უმრავლესობამ ფეხბურთის ჩემეული ხედვა მიიღო. მაგრამ ეს მარტივი არ ყოფილა. 

გასული სეზონის პირველ ნაწილში, როდესაც გუნდი ხშირად მარცხდებოდა, გულშემატკივრებს გაუჭირდათ იმ კონცეფციის მიღება, რომელიც ჩვენ თამაშში ჩაიდო. ჩვენ ამ წაგებებიდანაც კი ბევრი დადებითი დასკვნა გამოვიტანეთ და ამავდროულად სრულყოფილების მიღწევის გზებს ვეძებდით.

სეზონის ბოლოს, როდესაც გუნდმა ლა ლიგაში ასპარეზობა მეექვსე ადგილზე დაასრულა, თამაშის ჩვენეული აღქმა გულშემატკივრებისთვის უკვე მისაღები გახდა.

ქომაგებმა როგორც იქნა იმ სტილის შედეგიანობა დაინახეს, რომელიც უკანა ხაზის მიერ ბურთის მოძრაობით იწყება. ასეთი სტრატეგია თამაშის გაკონტროლების საშუალებას იძლევა. იმისთვის, რომ მეტოქის ნახევარზე გადავსულიყავით, ხანდახან უკან ბევრი პასის გაკეთება გვიხდებოდა. ჩვენ ამას ვაკეთებდით იმისთვის, რომ თავისუფალ პოზიციაში მყოფი მოთამაშე მოგვეძებნა და მას გუნდისთვის წინსვლის უკეთესი შესაძლებლობა შეექმნა.

გლობალური პერსპექტივით ამას გუნდისთვის დიდი სარგებელი მოჰქონდა. ბევრს დღემდე მიაჩნია, რომ თუ მეკარეს ბურთი ფეხებში აქვს და ამ დროს გუნდი ვერ იგებს, ის ვალდებულია რაც შეიძლება სწრაფად გაგზავნოს ბურთი მეტოქის ნახევრისკენ. არადა ეს სულაც არ არის ყველაზე სწრაფი მეთოდი მოწინააღმდეგის ნახევარზე ბურთის გასაკონტროლებლად.

ლუის არაგონესი

 

 Image result for luis aragones

 

საქმე ადაპტაციაშია. ჩემი ცხოვრების მანძილზე ყოველთვის მიწევდა ამ უნარის გამომჟღავნება. იცვლებოდნენ მწვრთნელები, პარტნიორები, ქალაქები. მაგრამ თუ გინდა, რომ ფეხბურთში გადარჩე, სხვა არჩევანი არ გაქვს, გარდა იმისა, რომ ახალ პირობებთან ადაპტაცია მოახერხო. ასეთია მოცემულობა.

როდესაც მწვრთნელი ხარ, ყოველთვის გინდა იმ ახალწვეულებზე შთაბეჭდილების მოხდენა, რომელბიც შენ გუნდში მოდიან. ან სხვა კლუბში გიწევს წასვლა, სადაც ყველაფერი ნულიდან უნდა დაიწყო. კონტრაქტს ხელს აწერ, ხსნი საკუთარ ხედვებს და განვითარების გეგმებს, მაგრამ უკვე ხვდები რომ ყველას ერთი და იგივე რამ აინტერესებს - რეზულტატი უპირველეს ყოვლისა.

ადაპტაცია ისეთ ფაქტორებთანაც გიწევს, რომლებიც მხოლოდ გარკევული ადგილებისთვისაა დამახასიათებელი. მაგალითად სევილიაში ეს - ვნებაა. თუ ისეთივე ვნებიანი არ გახდები, ვერ გადარჩები. 

როდესაც ფეხბურთელი ვიყავი 14 მწვრთნელი მყავდა. სამართლიანობა მოითხოვს აღინიშნოს, რომ ზოგისგან სწავლობ იმას, რასაც ვერასდროს გამოიყენებ სამწვრთნელო კარიერის განმავლობაში. მაგრამ მე ფეხბურთელობისასაც უდიდეს პატივისცემას განვიცდიდი ამ პროფესიისადმი, რომელსაც ფეხბურთის მწვრთნელობა ჰქვია. ეს ყველა კლუბისთვის მნიშვნელოვანია. 

ჩემ მწვრთლებს შორის იყო ლუის არაგონესიც, რომელმაც ჩემზე განუსაზღვრელი გავლენა იქონია. მან საკითხების განსხვავებულად შეფასება და აღქმა მასწავლა. მაიძულა ვყოფილიყავი ჭეშმარიტად კონკურენტუნარიანი. 

არაგონესმა ჯანსაღი აგრესია დამიბრუნა, რომელიც სანტანდერში გატარებული 8 სეზონის შემდეგ თითქმის აღარ დამრჩა. იქ თავს ძალიან კომფორტულად ვგრძნობდი. მწვრთნელების უმრავლესობისთვის, რომლებთან ერთადაც მიმუშავია, სავსებით საკმარისი იყო რამდენიმე გოლი გამეტანა და გამეკეთებინა შედეგიანი გადაცემები. ლუისს ეს არ აკმაყოფილებდა.

როდესაც მასთან "ატლეტიკოში" მივედი, სწრაფდ გავაცნობიერე რომ ყველაფერი სხვანაირად იქნებოდა. ვალდებული ვიყავი გუნდზე უფრო მეტად მემუშავა.  კიდევ უფრო უნდა გამეზარდა მოქმედების დიაპაზონი, თუ სხვა დონეზე გადასვლის ამბიცია მქონდა. 

მწვრთნელის ამპლუაში ყოველთვის ვცდილობ გარკვეული თანაკვეთა ვიპოვნო ფეხბურთელების სურვილებს და ჩემ მოთხოვნებს შორის. ფეხბურთელი ვალდებულია გაიგოს: როდესაც ის საერთო გუნდურ ღირებულებებს ეთანხმება, ის პარტნიორების კეთილდღეობას მსხვერპლად საკუთარი მისწრაფებების ნაწილს სწირავს.

იოჰან კრუიფი

 

 

უნდა გააცნობიერო, რომ შეხვედრების მოგება სხვებისგან დამოუკიდებლად არ შეგიძლია. ვალდებული ხარ წარმატებას სხვა მოთამაშეებთან  თანამშრომლობით მიაღწიო. საამისოდ სწორი ბალანსის პოვნა და გუნდური სულისკვეთების გრძნობის გამომუშავებაა აუცილებელი.

სწორედ ამაში მდგომარებს განსხვავება გუნდსა და 11 ცალკეულ ფეხბურთელს შორის, რომელიც მოედანზე აკეთებს იმას, რაც თავში მოუვა. 

მწვრთნელს ფეხბურთელებთან საერთო ღირებულებების პოვნა სჭირდება იმისთვის, რომ მათ ოპტიმალურ პოზიციებზე ითამაშონ და  საკუთარი შესაძლებლობების მაქსიმუმი გამოავლინონ. 

ვფიქრობ, ყველასათვის ცნობილია, რომ ადამიანის პროდუქტიულობა მაშინ იზრდება, როდესაც ის გარკვეული საქმის შესრულების პროცესისგან სიამოვნებას იღებს. თუ მოთამაშე პრობლემას ყოველდღიურ ვარჯიშში ხედავს, მას მოედანზე ძალიან გაუჭირდება გამძლეობის შენარჩუნება.

ნებისმიერი ფხბურთელი ბედნიერია, როდესაც ბურთს იღებს. ბოლოს და ბოლოს, ისინი ფეხბურთელებად ხომ იმიტომ ჩამოყალიბდნენ, რომ ბურთს ბავშვობიდან მოყოლებული არ შორდებოდნენ. სახლში, ქუჩაში თუ მოედანზე. 

უაღრესად ტექნიკურ მოთამაშეებსაც არ უნდათ ყოველთვის ბურთთან ყოფნა. ბურთის მოწინააღმდეგისთვის ართმევის პროცესში მონაწილეობის მიღება და დაცვითი მოქმედებებით თავის გამოჩენა.  მათ უბრალოდ თამაში უნდათ. ყველა ფეხბურთელს გააჩნია შინაგანი გრძნობა - ეს თამაშით გამოწვეული სიხარულია. და ის შეიძლება დროთა განმავლობაში გაქრეს. 

ხანდახან, პროფესიონალიზმი იმის გაკეთებას გულისხმობს, რასაც გეუბნებიან. ჩემი სათამაშო კარიერის განმავლობაში, მწვრთნელები ყოველთვის მიმეორებდნენ: "შენ ასე უნდა გააკეთო. როდესაც აქ იმყოფები, შენი პარტნიორი გადაადგილდება იქ, ამის შემდეგ შენ მოდიხარ აქ. როდესაც ბურთი ამ ზონაში იმყოფება, შენ თანაგუნდელს ადგილი უნდა გაუცვალო".

მწვრთნელები წესების ერთობლიობას გვიხსნიდნენ. მოთამაშეებს კონკრეტულ მითითებებს აძლევდნენ და ამის შემდეგ მომხდარს აკვირდებოდნენ, იმისდა მიუხედავად მუშაობდა თუ არა მათი გეგმა.

ისეთი სპეციალისტებთანაც მომიწია თამაშმა, რომელთა ხელშიც მთელი შეხვედრის მანძილზე ერთი საჯარიმოდან მეორემდე უბურთოდ დავრბოდი. თამაშის ჩემეული ხედვა, ხშირად მწვრთნელის დავალებას ეწირებოდა მსპხერპლად. ისეც ხდებოდა, რომ ხელსაყრელ მდგომარეობაში მდგომი, პარტიორისგან გადაცემას ველოდებოდი და ის ამ დროს ბურთს უმისამართოდ იგერიებდა. რატომ? იმიტომ, რომ ეს მწვრთნელის სურვილი იყო. ჩემთვის ეს სერიოზული პრობლემაა.

როდესაც პროფესიონალი ფეხბურთელი ხარ, იბრძვი თავი დააღწიო შინაგან კონფლიქტს, რათა არჩევანის გაკეთება მწრთნელის პოზიციასა და შენ ხედვას შორის არ მოგიხდეს. ცდილობ მოერგო მის მოთხოვნებს და გარშემომყოფებს უკმარისობის განცდა არ დაუტოვო.

არასდროს დამავიწყდება, როგორ ვთამაშობდი იოჰან კრუიფის ბარსელონას წინააღმდეგ. ასეთ შეხვედრებში, 90 წუთი ბურთის ძიებაში ვიყავი და მასთან შეხება იშვიათად მიწევდა. მაშინ ჩემ თავს ვუთხარი: "ეს არის ის, რაც მომწონს. მინდა ასეთი გუნდის ნაწილი ვიყო და გავარკვიო როგორ გამოსდით ასე თამაში".

როგორ ახერხებენ ბურთის მუდმივ კონტროლს და აიძულებენ მეტოქეს გაუთავებლად სირბილს?

იმ მომენტში გავაანალიზე ყველაფერი, რასაც მთელი საფეხბურთო კარიერის მანძილზე განვიცდიდი. ფეხბურთის სწორი რაკურსით აღმქა დავიწყე. ფეხბურთის რეალურად გაანალიზება შევძელი. სწორედ მაშინ მივხვდი, თუ როგორ ფეხბურთს ვათამაშებდი მწვრთნელობის ჟამს ჩემს გუნდს.

მე კი ყოველთვის ბურთი მინდოდა."

ბარსელონა

კიკე დღეს ბარსელონას მთავარი მწვრთნელია, მან პირველივე პრესკონფერენციაზე ძალიან საინტერესო და ორიგინალური განცხადება გააკეთა.

Image result for quique setien

"გუშინ სოფელში ვიყავი და ძროხებთან ერთად დავდიოდი, დღეს კი აქ მოვედი და მსოფლიოს საუკეთესო ფეხბურთელები ვავარჯიშე. 5 წუთიც არ დამჭირვებია, რომ "ბარსელონას" წინადადებას დავთანხმებოდი.

ჩემი მიზანი, ყველაფრის მოგება იქნება. საუკეთესო გზა მიაღწიო წარმატებას, არის ხარისხიანი ფეხბურთის თამაში.

სასიცოცხლოდ მნიშვნელოვანია, რომ მაქსიმალურად ბევრი ვივარჯიშოთ, რათა მიზანს მივაღწიოთ. აქ უზარმაზარი ენერგიით მოვედი. კარგად ვიცი, თუ რას ნიშნავს "ბარსა".

ამ გუნდის თამაშს არასდროს ვტოვებდი. წლების მანძილზე "ბარსელონას" მატჩების ყურებით სიამოვნებას ვიღებდი. მოვუსმენ ყველას, მაგრამ თუ რაიმეში დარწმუნებული ვარ, გამორიცხულია ის შევცვალო.

აკადემიის აღზრდილები შანსს აუცილებლად მიიღებენ. ამ გუნდს დიდებული სკოლა აქვს.

ტაქტიკა? ყველაზე მნიშვნელოვანი ფილოსოფიაა. შესაძლოა ხანდახან 4-3-3-ის შეცვლა მოგვიწიოს. არ გამოვრიცხავ ზოგჯერ 4-4-2-იც გამოვიყენო, მაგრამ მთავარი ფილოსოფიაა და ჩემი გუნდი კარგ ფეხბურთს ითამაშებს.

მე კარგვი CV არ მაქვს, არც ტიტულები მომიგია, მაგრამ ჩემი საფეხბურთო ფილოსოფია ყველას ვაჩვენე. მადლობა, რომ "ბარსელონას" გაწვრთნის შესაძლებლობა მომეცა. ჯერ კიდევ ვერ ვაანალიზებ რაც ბოლო ორ დღეში მოხდა".

კიკე სეტიენს "ბარსასთან" 2.5 წლიანი კონტრაქტი აქვს გაფორმებული, რომელიც რეალურად ასე გამოიყურება -  0.6+1+1. თავდაპირველად კონტრაქტი 6 თვიანია, შემდეგ კი პლუს 1 წელს და ასევე პლუს 1 წელს ითვალისწინებს, რაც მხარეებს შორის ურთიერთშეთანხმებაზე იქნება დამოკიდებული.

 

ასევე იხილეთ: ოფიციალურად: ვალვერდე ბარსელონადან გაუშვეს

#Flashscore