ქართული სპორტი / ქართული ფეხბურთი /
კოვტალიუკის შეძენა ესპანურ კლუბს სურს
01/26/2019 23:34
512

ესპანურ და უკრაინულ მედიაში გავრცელებული ინფორმაციით, ეროვნული ლიგის ერთ-ერთი ყველაზე შედეგიანი ფორვარდის, მიკოლა კოვტალიუკის გადაბირება სალამანკას სურს. 

2018 წლის სეზონში უკრაინელმა შემტევმა გორის დილას შემადგენლობაში 21 გოლი გაიტანა და ლიგის ბომბარდირებს, ბუდუ ზივზივაძესა და გიორგი გაბედავას 1 გოლით ჩამორჩა. 

ახალი სეზონისთვის კოვტალიუკი გორულ კლუბთან ერთად ემზადება და ესპანეთის რანგით მესამე დივიზიონში მოასპარეზე კლუბს მისი კონტრაქტის გამოსყიდვა მოუწევს. 

კოვტალიუკის კარიერის ქართული ეტაპი ფოთის კოლხეთში დაიწყო, სადაც მან 18 შეხვედრაში 11 გოლი გაიტანა და დინამო თბილისში გადავიდა. ყველაზე ტიტულოვან ქართულ კლუბში წარუმატებელი სეზონის (9 თამაში და 0 გოლი) შემდეგ, 23 წლის შემტევი დილაში გადავიდა. 

ფოტო: eliga.ge

#Flashscore