ფეხბურთი / ქართული ფეხბურთი /
ჯანო ანანიძე ანორთოსისის ფეხბურთელია
01/22/2020 22:34
305
  • Shootandgoal.com-ის ცნობით, ჯანო ანანიძემ სამედიცინო შემოწმება წარმატებით გაიარა და კონტრაქტსაც მოაწერა ხელი.
  • 27 წლის ქართველმა შემტევმა 5 თვიანი კონტრაქტი გააფორმა.

რამდენიმე საათის წინ გავრცელდა კადრები, სადაც ჩანს, რომ ჯანო ანანიძე კვიპროსში ჩაფრინდა. ახლა კი ზემოთხსენებული წყარო იუწყება, რომ ჯანოს სამედიცინო შემოწმების გავლის დროს არანაირი პრობლემა არ შექმნია და სულ რამდენიმე წუთის წინ კონტრაქტზე ხელის მოწერაც მოხდა. ჩვენებური ახალ გუნდთან ერთად ვარჯიშს ხვალვე დაიწყებს.

"ქართველმა ნახევარმცველმა წარმატებით გაიარა სამედიცინო შემოწმება. ამის შემდეგ მან ხელი მოაწერა კონტრაქტს და უკვე ხელმისაწვდომია თემურ ქეცბაიასთვის. ფეხბურთელი სრულ მზადყოფნაშია და სავარაუდოდ თასის შეხვედრაში ოლიმპიაკოსთან მონაწილეობის მიღებასაც შეძლებს. დიდი ალბათობით, ხვალ დილით ის პირველ ვარჯიშს გამართავს ახალ გუნდთან ერთად." - ნათქვამია განცხადებაში.

რამდენიმე წუთის წინ ჯანოს ტრანსფერი ოფიციალურად ანორთოსისმაც დაადასტურა.

 

კვიპროსული პრესა ხაზს უსვამს იმ ფაქტსაც, რომ ანორთოსისს არ შეუძლია გადაუხადოს ქართველ მოთამაშეს ის ხელფასი, რასაც მოსკოვის სპარტაკში ყოფნის დროს იღებდა, თუმცა თემურ ქეცბაიას წყალობით შეთანხმება მაინც შედგა და ჯანო ამიერიდან სწორედ ფამაგუსტური კლუბის ღირსებას დაიცავს. რუსულ კლუბთან კონტრაქტის გაწყვეტის გამო ჩვენებურმა კომპენსაციის სახით 1,4 მილიონი მიიღო. 

ასევე იხილეთ: ინტერვიუ ვასილ მაისურაძესთან

#Flashscore