ბლოგი / სხვა /
ქვეყანა აუზის გარეშე, ქვეყანა საციგურაო მოედნის გარეშე...
01/24/2020 11:28
253
  • ქვეყანა აუზის გარეშე 
  • ქვეყანა საციგურაო მოედნის გარეშე

საქართველოს წყალბურთელთა ნაკრებმა ევროპის ჩემპიონატზე მორიგი ისტორიული შედეგი დააფიქსირდა. რევაზ ჩომახიძის შეგირდებმა ჯგუფში საფრანგეთის ნაკრები დაამარცხეს და პლუს შემდეგ ჯგუფში გამართულ 2 შეხვედრაში (იტალია, საბერძნეთი) ბოლომდე იბრძოლეს. 

მერვედფინალში უხერხული მეტოქის ბარიერის დაძლევაც შესაძლებელი იყო, თუმცა რუსეთის ეროვნულმა გუნდმა 1 ქულით დაგვჯაბნა (14:13). “მეზობლებთან“ განცდილი მარცხით გამოწვეულმა გაბრაზებამ შედეგი თურქეთთან გამოიღო და მეტოქე 12:6 ვსძლიეთ. 

მთავარი მწვრთნელის თქმისა არ იყოს ევროპა მზად არ იყო ჩვენებურები საუკეთესო 8 გუნდში შესულიყვნენ:

წყალბურთის სამყარო არ იყო მზად საქართველო ევროპის რვა საუკეთესო გუნდში შესულიყო“, - განაცხადა ჩომახიძემ რუსეთთან მარცხის შემდეგ. 

მსგავსი შედეგი ქართველი გულშემატკივრებისთვის მოულოდნელი იყო, რადგან საფრანგეთის, თურქეთისა და რუსეთის ფონზე ჩვენებურების სავარჯიშო პირობები რა მოსატანია. ერთი აუზი და ისიც თბილისში, რეგიონებისგან იმ განსხვავებით, რომ ზამთარ-ზაფხულ წყალი ასხია. 

მეორე და გამაოგნებელი ფაქტი იყო ქართველი მოციგურავეების შედეგი. ხორვატიის დედაქალაქ ზაგრებში ფიგურულ ციგურაობაში იუნიორთა შორის გრანპრის მეექვსე ეტაპი გაიმართა, სადაც მარია კაზაკოვამ და გიორგი რევიამ პირველი ადგილი დაიკავეს. 

იყო ტურინი და იყო კიდევ ერთი წარმატება. ხსენებულმა სპორტსმენებმა იტალიაში “აჭარული“ შეასრულეს და ოვაციებთან ერთად ოქროს მედალიც დაიმსახურეს. 

სპორტის ამ სახეობებს ერთი მთავარი საერთო აქვთ: ინფრასტრუქტურა, ფაქტობრივად, არ არსებობს. არადა მორის ყვითელაშვილმა ევროპაზე ბრინჯაოს მედალი მოიპოვა და  პირველი ქართველი მამაკაცი მოციგურავე გახდა, ვინც საპრიზო ადგილი დაიკავა. 

საქართველოს ფიგურული ციგურაობის ეროვნულო ფედერაციის პრეზიდენტი მაკა გიორგობიანი, ამბობს, რომ თბილისის საციგურაო მოედანი მერიის ბალსნსზეა და ეს დიდ პრობლემას წარმოადგენს: 

თბილისის საციგურაო მოედანი მერიის ბალანსზეა და მისი ხელმძღვანელობა ეროვნულ ფედერაციასთან არ თანამშრომლობს. შესაბამისად იქ არ მიმდინარეობს პროფესიონალურ დონეზე სპორტსმენების წვრთნა რაც კიდევ უფრო ზღუდავს ჩვენს შესაძლებლობებს აღვზარდოთ წარმატებული თაობა“, - თქვა მან. 

ფაქტია, რომ მიღებული შედეგი საამაყო სპორტსმენების დამსახურებაა და მათ წარმატებაში სახელმწიფოს მინიმალური წვლილი მიუძღვის. 

ისიც უნდა ითქვას, რომ წყალბურთის ევროპის ჩემპიონატზე ქართველი ლევან ბერიშვილიც, მსაჯობდა. საერთაშორისო კატეგორიის ქართველი არბიტრი პრესტიჟულ ტურნირზე ევროპის საერთაშორისო ფედერაციის მიწვევით მოხვდა. 

ყველა ფედერაციას აქვს საკუთარი კვოტა ევროპის და მსოფლიოს ფედერაციაში. ტურნირზე ჩემი გამოზახება ევროპის საწყლოსნო სპორტის სახეობათა ფედერაციიდან მოხდა. პირველად ვმსაჯობ ევროპის ჩემპიონატზე რაც უდიდესი პატივია. იმედია ეს ტურნირი ჩემთვისაც და ჩვენი ნაკრებისთვისაც წარმატებული იქნება“. - თქვა ბერიშვილმა. 

ასევე იხილეთ: ყვითელაშვილმა ისტორია დაწერა

#Flashscore