ფეხბურთი / პრემიერლიგა /
ჟოზე ლივერპულის ყოფილი ფეხბურთელის დამატებას გეგმავს
01/26/2020 19:02
269
  • ტოტენჰემი ნახევარდაცვის გაძლიერებას გეგმავს
  • ჟოზე მოურინიოს ემრე ჯანის დამატება სურს

 

ტოტენჰემის მთავარ მწვრთნელს ჟოზე მოურინიოს, ტურინის იუვენტუსის გერმანელი ნახევარმცველის, ემრე ჯანის დამატება სურს. აღნიშნულ ინფორმაციას იტალიური გამოცემა Tuttosport ავრცელებს.

მაურიციო სარი 26 წლის ნახევარმცველს სათამაშო დროს თითქმის არ აძლევს. მიმდინარე სეზონში ემრემ მხოლოდ 8 მატჩში მიიღო მონაწილეობა.

თავის მხრივ, ჟოზე მოურინიო თვლის, რომ ლივერპულის ყოფილ ფეხბურთელს ლონდონელთა ნახევარდაცვის საგრძნობლად გაძლიერება შეუძლია. "დეზები" მზად არიან ემრეს სანაცვლოდ ტურინულ გრანდს 30 მილიონი ევრო შესთავაზონ.

გერმანელი ნახევარმცველის გაყიდვის წინააღმდეგი არც იუვენტუსია. ბოლო დროს, იტალიური მედია მისი და პარი სენ-ჟერმენის ნახევარმცველის, ლეანდრო პარედესის შესაძლო გაცვლის შესახებ აქტიურად წერდა.

ემრე ჯანი "ბებერ ქალბატონებს" 2018 წლის ზაფხულში, ლივერპულთან კონტრაქტის ამოწურვის შემდეგ შეუერთდა. იუვენტუსის მაისურით გამართულ 45 მატჩში მის ანგარიშზე, 4 გოლი და ერთი საგოლე გადაცემაა.

 

ასევე იხილეთ: იუვენტუსი და პსჟ ფეხბურთელების გაცვლას გეგმავენ

#Flashscore