ფეხბურთი / პრემიერლიგა /
ფერნანდინიომ გადაწყვეტილება მიიღო
01/28/2020 21:55
175
  • ფერნანდინიო მანჩესტერ სიტიში 2021 წლის ზაფხულამდე დარჩება
  • ბრაზილიელი საყრდენი "ქალაქელებში" თავს ბედნიერად გრძნობს

 

მანჩესტერ სიტის ნახევარმცველმა ფერნანდინიომ, კლუბთან ახალი კონტრაქტი გააფორმა. ბრაზილიელი ნახევარმცველი "ქალაქელებში" 2021 წლის ზაფხულამდე დარჩება. აღნიშნული ინფორმაცია კლუბის ოფიციალურმა გვერდმა დაადასტურა:

"ბედნიერი ვარ თითოეული წამით, რომელიც აქ გავატარე. ვერასოდეს წარმოვიდგენდი თუ კლუბთან და გულშემატკივრებთან ასეთი საოცარი ურთიერთობა ჩამომიყალიბდებოდა.

მანჩესტერ სიტიში თავს ბედნიერად ვგრძნობ. აქ გატარებული თითოეული დღისთვის მადლიერი ვარ." - განაცხადა ფერნანდინიომ.

34 წლის ბრაზილიელი საყრდენს, კლუბთან კონტრაქტი სეზონის ბოლომდე აკავშირებდა, მაგრამ "ქალაქელების" თავისუფალი აგენტის სტატუსით დატოვებას, დარჩენა ამჯობინა.

ფერნანდინიო მანჩესტერ სიტიში 2013 წლის ზაფხულში, 40 მილიონი ევროს სანაცვლოდ შახტარიდან გადავიდა. "ქალაქელების" მაისურით ჩატარებულ 300 მატჩში, მის ანგარიშზე 23 გოლი და 25 საგოლე გადაცემაა. ფერნანდინიომ მანჩესტერ სიტისთან ერთად, სამჯერ პრემიერ ლიგის, ოთხჯერ ინგლისის ლიგის, ხოლო ერთხელაც ინგლისის ასოციაციის თასების მოგება მოახერხა.

 

ასევე იხილეთ: რომელი გუნდია პრემიერ ლიგის ისტორიაში საუკეთესო?

#Flashscore