სხვა / ქართული კალათბურთი /
ტიტები უკანახაზელით გაძლიერდა
01/28/2020 22:55
251

 

სუპერლიგაში სატრანსფერო ფანჯრის დახურვამდე რამოდენიმე დღით ადრე, ტიტებმა სეზონის უკანასკნელი ტრანსფერი განახორციელა. გუნდი თსუ-ს უკანახაზელით კრისტოფერ ანდერსონით გაძლიერდა.

ანდერსონი ქართველი გულშემატკივრისთვის კარგად არის ცნობილი. ის სამი წელი თსუ-ს რიგებში თამაშობდა. კრისი თსუ-სთან ერთად 2018 წელს ა-ლიგის, ხოლო 2019 წელს ქორქია-საკანდელიძის და დუდუ დადიანის მემორიალის გამარჯვებული გახდა. ანდერსონმა კარიერა სან დიეგოს კოლეჯში დაიწყო, ერთი წელი გერმანიაში თამაშობდა საიდანაც საქართველოში ჩამოვიდა.

"მოხარული ვარ რომ ტიტებს შევუერთდი, რომელიც საქართველოში თსუ-ს შემდეგ ჩემი პირველი გუნდია. ტიტები ჯერ კიდევ ა-ლიგიდან მახსოვს. ჩვენ ძალიან რთული დაპირისპირებები გვქონდა.

ტიტებში ბოლომდე დავიხარჯები და ვეცდები წამატებას ერთად მივაღწიოთ. მინდა ყველა სხვა გუნდს ვაჩვენო, რომ მაღალ დონეზე თამაში შემიძლია." - განაცხადა კრისტოფერ ანდერსონმა.

 

შეგახსენებთ, რომ ტიტების გენერალური სპონსორი კროკობეთი გახლავთ, ხოლო მედია პარტნიორი Croco.ge

#Flashscore