კალათბურთი / NBA /
VIDEO | იანისის არყოფნაში მიდლტონი "შეიშალა" - ბრედლი ბილი ბევრს წვალობს
01/29/2020 11:07
195
  • ვაშინგტონ ვიზარდსი 131:151 მილუოკი ბაქსი
  • მიდლტონისა და ბილის სუპერ დუელი

იანის ანტეტოკუნმპოს არყოფნაში აღმოსავლეთ კონფერენციის (და არა მარტო) პირველადგილოსანი მილუოკი ბაქსის ლიდერობა კრის მიდლტონმა (51ქ/10მ/6ა) ითავა, რაც იდეალურად გამოუვიდა და კარიერის საუკეთესო მატჩი ჩაატარა. აღსანიშნავია, რომ კრისმა თამაშიდან 62%-ით, სამქულიანის ზონიდან 70%-ით და საჯარიმოს ხაზიდან 100%-ით ისროლა, ამით ის NBA-ს ისტორიაში პირველი მოთამაშე გახდა, რომელმაც 50+ ქულიან თამაშში ასეთი შედეგი დააფიქსირა.

ბრწყინვალე იყო ბაქსის კიდევ ერთი ლიდერი ერიკ ბლედსო (34ქ/6მ/10ა), სწორედ ამ მოთამაშეების შესანიშნავი თამაშის გამო გუნდს "შეშლილი ბერძენის" არყოფნა საერთოდ არ დაეტყო, რაც ძალიან მოულოდნელია. ეს გამარჯვება "ხარირმებისთვის" ზედიზედ მეცხრე იყო, გუნდი ლიგას ერთპიროვნულად ლიდერობს.

ბევრს ეცადა ვიზარდსის ლიდერი ბრედლი ბილი (47ქ/6ა), რომელმაც მიდლტონის მსგავსად კარიერის ერთ-ერთი საუკეთესო თამაში ჩაატარა, თუმცა მიმდინარე სეზონში როგორც ხშირად ხდება ხოლმე, წაშინგტონი უშანსოდ დამარცხდა.

ასევე იხილეთ: VIDEO | ჰარდენის და ვესტბრუკის გარეშე - ერიკ გორდონის კარიერის მატჩი

#Flashscore