კალათბურთი / NBA /
NBA დაიჯესტი - ჯორჯის გმირობა, დონჩიჩის მორიგი რეკორდი!
01/28/2019 12:14
549

პოლ ჯორჯი ფენომენალურ სეზონს ატარებს და ეს გუშინ ღამითაც დამტკიცდა. ოკლაჰომამ ტურის ცენტრალურ შეხვედრაში მილუოკი ბაქსს უმასპინძლა და სწორედ ოლ-სტარი ფლანგელის წყალობით დაამარცხა. ჯორჯმა 36 ქულას და 13 მოხსნას მოუყარა თავი. მიუხევადად საშინელი მატჩისა, მორიგი სამმაგი დუბლი შეასრულა რასელ ვესტბრუკმა. "სამმაგის მანქანამ" 13 ქულა,13 მოხსნა და 11 შედეგიანი გადაცემა დააგროვა. საშინელი პირველი ტაიმის შემდეგ იანისმაც გაიბრწყინა, თუმცა მისი ამოქმედება დაგვიანებული გახლდათ. ანტეტოკუნმპომ 27 ქულას და 18 მოხსნას მოუყარა თავი, ბაქსმა კი 112-118 წააგო.

საოცარი მატჩი ვიხილეთ დალასში. კავაი ლეონარდის (33ქ/10მ) ორმაგი დუბლით ტორონტომ მავერიკსს დაძაბული მატჩი 123-120 მოიგო. მიუხედავად დამარცხებისა, სწორედ ტექსასელი კალათბურთელი შევიდა ისტორიაში. ლუკა დონჩიჩმა 35 ქულა, 12 მოხსნა და 10 შედეგიანი გადაცემა გააკეთა და პირველი თინეიჯერი გახდა, რომელმაც სეზონში ორის დაგროვება მოასწრო.

 

რთული მატჩი მოიგო ჰიუსტონ როკეტსმა. მთელი შეხვედრის განმავლობაში "ტოიოტა ცენტრში" ლიდერად ორლანდო მეჯიკი გვევლინებოდა, თუმცა ჰეიმს ჰარდენმა (40ქ/11მ/6პ) და კომპანიამ გადამწყვეტ მეოთხედში ძალები მოიკრიბეს და საბოლოოდ მეტოქე უჩვეულოდ დაბალშედეგიან მატჩში 103-98 დაამარცხეს.

მოიგო ულებრონო ლეიკერსმა. ლოს ანჯელესს ფინიქს სანსი ეწვია და დევინ ბუკერის 21 ქულისა და 6 შედეგიანი გადაცემის მიუხედავად დიდი ანგარიშით, 102-116 დამარცხდა. მასპინძელთაგან საუკეთესო ივიცა ზუბაჩი გახლდათ. ლებრონის არ ყოფნაში ლეიკერსის ცენტრი შესანიშნავად თამაშობს, გუშინ კი 24 ქულა და 16 მოხსნა მიითვალა.

მოგებებს არ წყვეტს იუტა ჯაზი. დონოვან მიჩელის (29ქ/5პ) ლიდერობით ჯაზმენებმა ამჯერად მინესოტაში იმარჯვეს. ენდრიუ ვიგინსმა 35 ქულას მოუყარა თავი, თუმცა ტიმბერვუვლზის სხვა მოთამაშეებმა მხარი ვერ აუბეს და იუტამ დიდი ანგარიშით, 125-111 მოიგო.

კვლავ მოიგო სან ანტონიო სპურსმა. ტექსასს ვაშინგტონ ვიზარდსი ეწვია და როგორც მოსალოდნელი იყო, დიდი ანგარიშით დამარცხდა. დემარ დეროუზანის არ ყოფნაში ლამარკუს ოლდრიჯი სპურსის მთავარი არტილერიაა და ეს გუშინაც დამტკიცდა. ვეტერანმა ფორვარდმა 30 ქულას, 9 მოხსნას და 6 შედეგიან გადაცემას მოუყარა თავი.

დიდი ანგარიშით მოიგო ლოს ანჯელეს კლიპერსმა. ადრეულ შეხვედრაში მონტრეზ ჰარელის (25ქ/7მ) შესანიშნავი პერფომანსის ხარჯზე მასპინძლებმა საკრამენტო კინგსი დაამარცხეს. შესანიშნავი იყო დი აარონ ფოქსი (21ქ), თუმცა მისმა მცდელობებმა ფუჭად ჩაიარა, კინგსმა 108-122 წააგო.

სეზონის ერთ-ერთი საუკეთესო მატჩი ჩაატარა ლორი მარკანენმა (21ქ/15მ), თუმცა მისი ჩიკაგო მაინც დამარცხდა. ბულსს საშინელი პერიოდი უდგას და შინ ისეთ გუნდებთან მარცხდება, როგორც კლივლენდ კავალიერსია. მართალია ზაკ ლავინს ბოლო წამებზე ანგარიშის გათანაბრება შეეძლო, თუმცა მისი სამიანი არაზუსტი აღმოჩნდა და ბულსმა 101-104 წააგო.

"მედისონ სქუეარ გარდენს" კარმელო ენტონი ესტუმრა, თუმცა ყოფილი ლიდერის ტრიბუნებზე გამოჩენამ ნიქსს მაინც ვერ უშველა. ტიმ ჰარდევეის (22ქ/6მ/5პ) შესანიშნავი თამაშის მიუხედავად მაიამი ჰიტმა შეხვედრის ბედი მესამე მეოთხედში გადაწყვიტა. დუეინ ვეიდმა (15ქ/5მ/10პ) და ჰასან ვაითსაიდმა (13ქ/16მ) ორმაგი დუბლები გაიფორმეს და ფლორიდელებმა 106-97 მოიგეს.

 

#Flashscore