ქართული სპორტი / ქართული რაგბი /
კარგი პირველი ტაიმი | ბორჯღალოსნებმა ესპანეთი დაჯაბნეს
02/09/2020 17:37
128
  • საქართველოს ეროვნული ნაკრები რაგბი ევროპის ჩემპიონატის მეორე ტურში ესპანეთს დაუპირისპირდა
  • ბორჯღალოსნებმა ზედიზედ მეორედ იმარჯვეს და ერთპიროვნულად გალიდერდნენ

რაგბი ევროპის ჩემპიონატის ეგიდით გამართულ მეორე შეხვედრაში საქართველოს ნაკრები ესპანეთს შეხვდა. 

ლევან მაისაშვილის შეგირდებმა მატჩის დაწყებიდან 3 წუთში მასპინძლები დაალელოვეს. აღნიშნულ მომენტში თავის გამოჩენა შალვა მამუკაშვილმა მოახერხა. 

ბორჯღალოსნების დაწინაურებიდან 5 წუთში ესპანეთმა წონასწორობა აღადგინა (5:5). მე-17 წუთზე აბჟანდაძემ ჯარიმა ბრწყინვალედ შეასრულა და საქართველოს ეროვნული გუნდი კვლავ დაწინაურდა (8:5). 

22-ე წუთზე სადებიუტო შეხვედრაში ლელო დებიუტანტმა აკა ტაბუცაძემ დადო, ხოლო გარდასახვა აბჟანდაძემ კვლავ იდეალურად შეასრულა (18:5).

პირველი ტაიმის მიწურულს მამუკაშვილმა მიმდინარე შეხვედრაში მეორე ლელოც დადო. მოკლე ფრთაზე ბრწყინვალე ქმედების შემდეგ, მეტოქე უძლური აღმოჩნდა და ტაბლოზე გამანადგურებელი ანგარიში დაფიქსირდა (23:5). აბჟანდაძემ კი გარდასახვა ამჯერად არაზუსტად შეასრულა. 

მეორე ტაიმში სიტუაცია რადიკალურად შეიცვალა. საქართველოს ნაკრებმა ინიციატივა დათმო და ამით ესპანელებმა ისარგებლეს, თუმცა ტაბლოზე ანგარიშის შეცვლა ვერ მოხერხდა.

ბოლო 15 წუთში დაცვაში მყოფი მაისაშვილის ბიჭები საბოლოოდ, “გატყდნენ“ და ლელო მიიღეს, მაგრამ გამარჯვებას საფრთხე არ შექმნია (23:10).  

ამ გამარჯვების შემდეგ, ბორჯღალოსნებს 9 ქულა აქვთ და ჯგუფში პირველ ადგილს იკავებენ. 

ასევე იხილეთ: პირველი ტაიმი | ბორჯღალოსნები ესპანელებს ანადგურებენ

#Flashscore