კალათბურთი / NBA /
VIDEO | "ბოგის" სუპერ სროლა - იუტა ჯაზმა სასწაული მატჩი მოიგო!!!
02/10/2020 12:06
138
  • იუტა ჯაზი 114:113 ჰიუსტონ როკეტსი
  • "ჯაზმენები" საოცარ ფორმაში არიან

შესანიშნავ ფორმაშია იუტა ჯაზი, რომელმაც დრამატულ მატჩში გასვლაზე უშუალო კონკურენტი ჰიუსტონ როკეტსი დაამარცხა. მატჩი გარდამავალი უპირატესობით მიმდინარეობდა და გამარჯვებული ბოლო წამს ბოიან ბოგდანოვიჩის (8ქ/4ა) სუპერ სროლით გამოვლინდა.

მიუხედავად გადამწყვეტი სროლისა, ხორვატს სტატისტიკურად ცუდი მატჩი ჰქონდა. გამორჩეულები კი ტრადიციულად დონოვან მიჩელი (24ქ/5მ/6ა), რუდი გობერი (12ქ/15მ) და სათადარიგო სკამიდან ჯორდან კლარკსონი (30ქ/6მ) იყვნენ. კარგი მატჩი ჩაატარა ტრავმის შემდეგ დაბრუნებულმა მაიკ კონლიმ (20ქ/5მ/6ა), რომელიც კვლავ ადაპტაციას გადის.

როკეტსის ლიდერობა თავის თავზე კვლავ ლიდერებმა აიღეს და თამაშის დასრულებამდე ერთი წამით ადრე იგებდნენ კიდეც, თუმცა ზემოთხსენებულმა ბოგდანოვიჩმა ის წაართვა. ჯეიმს ჰარდენმა (28ქ/10მ/10ა) სამმაგი დუბლი დააგროვა, რასელ ვესტბრუკი (39ქ/6მ/4ა) კი ქულების მხრივ ორივე გუნდში საუკეთესო იყო.

ასევე იხილეთ: VIDEO | გოგას G ლიგაში ვერ აჩერებენ - 20 წლის ქართველის მორიგი ორმაგი

#Flashscore