ყველაზე თამამი ოპტიმისტიც ვერ წარმოიდგინდა პაკოს ასეთ ათამაშებას.

"დორტმუნდის" შემტევს მხოლოდ 126 წუთი დასჭირდა რათა 7 გოლი გაეტანა - ასეთი შედეგი ბუნდესლიგაში სხვა ფეხბურთელს არ ჰქონია.

უცხო ქვეყანა, უცხო ლიგა, უცხო ენა - ჩვეულებრივ, ფეხბუთელებს ასეთ პირობებში ადაპტაცია უჭირთ, მაგრამ, როგორც ჩანს, ესპანელისთვის ეს ყველაფერი პრობლემას არ წარმოადგენს. პაკო დორტმუნდში ძალიან კომფორტულად გრძნობს თავს.

"როდესაც აქ ჩამოვედი, მარკო როისი ძალიან დამეხმარა კლუბთან ინტეგრაციაში. ის მეხმარებოდა მოედანზე და მის გარეთ. მადლობა ეკუთვნის, მისი დამსახურებაა ასეთი სწრაფი ადაპტაცია."

ალკასერი მარკო როისის თამაშისგან გამოწვეულ აღტაცებას ვერ მალავს: "ის მსოფლიო დონის ფეხბურთელია. აღფრთოვანებული ვარ მის თამაშს როცა ვუყურებ"

ფაქტია, რომ ეს ფეხბურთელები მოედანზე ისე უგებენ ერთმანეთს, თითქოს წლების განმავლობაში ერთად ჰქონდეთ ნათამშები: "მარკოს თამაშში იმხელა კლასი იგრძნობა, რომ მასთან თამაში ძალიან მიადვილდება. ის მოედანზე ყველაფერს მარტივად და მაგრად აკეთებს, თუმცა, ინდივიდუალიზმთან ერთად, ის საოცრად გუნდური მოთამაშეა."

დორტმუნდის გულშემატკივრებს შეუძლიათ მშვიდად იყვნენ და დატკბნენ ამ ორი უმაღლესი კლასის ფეხბურთელის თამაშით. ბორუსიას 23 მილიონად შეუძლია ალკასერის გამოსყიდვა, როისთან კი კონტრაქტი 2023 წლამდე აკავშირებს.

პაკო ალკასერი - დორტმუნდის ახალი იმედი

უახლესი ამბები