ქართული სპორტი / ქართული ფეხბურთი /
არეულობა საბურთალოში | ხეჩიკაშვილის პირველი კომენტარი
02/16/2020 19:09
129
  • ცეცაძე და ჭანტურია საბურთალოდან წავიდნენ 
  • ხეჩიკაშვილის პირველი კომენტარი

გადაცემაში  "სპორტი იმედზე" საბურთალოს პრეზიდენტი ტარიელ  ტარიელ ხეჩიკაშვილი, სტუმრად მივიდა, სადაც მთავარი მწვრთნელის გია ცეცაძის, გათავისუფლებაზე განმარტება გააკეთა. 

მისი თქმით, მხარეები გარკვეულ დეტალებზე ვერ შეთანხმდნენ, რის გამოც გამოცდილი სპეციალისტი “დედაქალაქელების“ ბანაკიდან წავიდა: 

გია ცეცაძე ძალიან კარგი სპეციალისტია და ჩემთვის სამწუხაროა, რომ ჩვენი თანამშრომლობა არ შედგა. ის შესანიშნავი პიროვნებაა და კვლავ ჩემს მეგობრად რჩება.

ხშირად ხდება ასე და გარკვეულ საკითხებზე ვერ შევთანხმდით რიგი მიზეზების გამო და სეზონის დასაწყისშივე მივიღეთ გადაწყვეტილება, რომ თანამშრომლობა შეგვეწყვიტა.

თავდაპირველად, როდესაც გია ცეცაძე მწვრთნელად დავნიშნეთ, არ ყოფილა ის საკითხები, რომელზეც ვერ ვთანხმდებოდით, ასე შემთხვევაში მას არც მოვიწვევდით.

ჩვენი სურვილი იყო, რომ ქართულ საკლუბო ფეხბურთში წარმატებული ისტორია შეგვექმნა. შეიძლება, რაღაც დაგეგმო და პრაქტიკულ ცხოვრებაში ეს არ გამოვიდეს, მსგავსი რაღაცები ხდება.

არ მინდა, სხვა რამე შიდა სამზარეულოდან გამოვიტანო და ბევრი რაღაც არასწორადაც ითქვა. გუნდიც ერთგვარი ოჯახია და არამგონია, ყველაფრის თქმა საჭირო იყოს“, - თქვა მან. 

შეგახსენებთ, ცეცაძესთან ერთად საბურთალო გიორგი ჭანტურიამაც დატოვა. ქართველი ფეხბურთელი ეროვნული ლიგის წარმომადგენლებს ესპანეთშიც გაყვა, თუმცა საბოლოოდ, თანამშრომლობა არ შედგა. 

ასევე იხილეთ: გიორგი ჭანტურიამ საბურთალო დატოვა

#Flashscore