ფეხბურთი / ჩემპიონთა ლიგა /
ლევანდოვსკისა და გნაბრის ისტორიული მატჩი
02/26/2020 14:51
198
  • რობერტ ლევანდოვსკი 11 გოლით მიმდინარე ჩემპიონთა ლიგის საუკეთესო ბომბარდირია
  • სერჟ გნაბრიმ ექვსივე გოლი ლონდონში გაიტანა

ჩემპიონთა ლიგის მერვედფინალის პირველ შეხვედრაში, მიუნხენის ბაიერნმა ლონდონის ჩელსი, სტუმრად 0:3 დაამარცხა.

აღსანიშნავია, რომ ეს შეხვედრა რობერტ ლევანდოვსკისა და სერჟ გნაბრისთვის ისტორიული გამოდგა.

პოლონელმა თავდამსხმელმა თავის კარიერაში საუკეთესო მაჩვენებელი დააგროვა. ლევანდოვსკი 11 გატანილი გოლით, მიმდინარე ჩემპიონთა ლიგის საუკეთესო ბომბარდირია.

რაც შეეხება სერჟ გნაბრის, 24 წლის ვინგერი ტურნირის ისტორიაში, გახდა პირველი ფეხბურთელი, რომელმაც სადებიუტო 6 გოლი ერთი ქვეყნის წარმომადგენელი კლუბების წინააღმდეგ გაიტანა. გნაბრიმ ექვსივე გოლი ლონდონელებს გაუტანა.

შეგახსენებთ, რომ გერმანელმა შემტევმა ჯგუფურ ეტაპზე, ტოტენჰემთან სტუმრად პოკერის შესრულება მოახერხა. გუშინდელ შეხვედრაში კი, მან "სტემფორდ ბრიჯზე" ჩელსის დუბლი შეუსრულა.

 

ასევე იხილეთ: რუმენიგემ ფლიკს ორიგინალური საიუბილეო საჩუქარი უსახსოვრა

#Flashscore