ჩოგბურთი / ATP /
სამი გადარჩენილი მატჩპოინტი - ჯოკოვიჩი ფინალშია
02/28/2020 22:29
232
  • ჯოკოვიჩმა ფინალში გააღწია
  • დასკვნით ეტაპზე მისი მეტოქე ციციპასი იქნება

სერბი ჩოგბურთელი, მსოფლიოს პირველი ჩოგანი ნოვაკ ჯოკოვიჩი დუბაის ATP500 კატეგორიის ტურნირზე წარმატებულ ასპარეზობას განაგრძობს.

პირველ წრეში ჯოკოვიჩის მეტოქე ტუნისელი მალიკ ჟაზირი იყო, რომელიც სერბმა ძალიან იოლად ანგარიშით 6:1, 6:2 დაამარცხა. მეორე წრეში ნოვაკი ვეტერან გერმანელ ჩოგბურთელს ფილიპ კოლშრაიბერს დაუპირისპირდა და ორ სეტში 6:3 6:1 გაიმარჯვა.

ნახევარფინალში მოსახვედრად ნოლემ კარენ ხაჩანოვი დაჯაბნა, ხოლო ფინალამდე მიმავალ გზაზე მონფილსის უმძიმესი ბარიერის დაძლევა მოუწია. 

მონფილსმა ლეგენდარულ მეტოქეს პირველი სეტი მოუგო (6:2), ხოლო ნოლემ მეორე სეტში სამი მატჩპოინტი გადაარჩინა და საბოლოოდ ტაიბრეიქში, 7:6(10:8) იმარჯვა.  მესამე სეტი სერბისთვის წარმატებული გამოდგა და მან მეტოქე 6:1 დაჯაბნა. 

შედეგად ჯოკოვიჩი ფინალში გავიდა, სადაც ციციპასის ბარიერის დაძლევა მოუწევს. თავის მხრივ, ბერძენმა ევანსი 2 სეტში ტურნირიდან გათიშა (6:2, 6:3). 

 

ასევე იხილეთ: VIDEO | მალეკის რეაქცია როცა გაირკვა, რომ ჯოკოვიჩი მისი მეტოქეა

#Flashscore