ქართული სპორტი / ქართული ფეხბურთი /
ეროვნული ლიგა იწყება | ლიდერები დებიუტანტების წინააღმდეგ
02/28/2020 23:55
407
  • ეროვნული ლიგის 2020 წლის სეზონი იწყება
  • პირველი მატჩი “დინამო არენაზე“ გაიმართება

29 თებერვალს ეროვნული ლიგა აიღებს სტარტს, რომელიც დამოუკიდებელი საქართველოს ისტორიაში რიგით 32-ე იქნება. 

2020 წლის სეზონი თბილისის დინამოსა და თელავის დაპირისპირებით დაიწყება. მოქმედი ჩემპიონი უმაღლესი აღზევებულ კახურ გუნდს შეხვდება და პირველი სამი ქულის მოპოვებას შეეცდება. 

სუპერთასზე ნაჩვენები შედეგის მიხედვით, შეიძლება იმის თქმა, რომ თელავი უშანსოდ არ არის. “დედაქალაქელებმა“ ახალი სეზონის დაწყებისთვის მზადება მთავარი მწვრთნელის ცვლილებით დაიწყეს, ხოლო შემდეგ ფეხბურთელების დამატებაზე დაიწყეს ფიქრი. 

კლუბმა ლეგიონერები დაიმატა, თუმცა საბურთალოსთან გამართულ შეხვედრაში გამოჩნდა, რომ ჩხეტიანის შეგირდებს ან შეთამაშება აკლდათ ან კვლავ არასწორად განხორციელებულ ტრანსფერებთან გვაქვს საქმე. 

თელავი 13 მოთამაშით გაძლიერდა და ისტორიის დაწერას შეეცდება. დებიუტანტისთვის პირველივე ტურში დინამოსთან ჭიდილი მარტივი არ იქნება, თუმცა ხსენებული მიზეზებიდან გამომდინარე არაფერია გამორიცხული. 

გახსნითი მატჩი 18:00 საათზე დაიწყება და მას “დინამო არენა“ უმასპინძლებს. 

*** 

კარგი შეკრებითა და მოულოდნელი სატრანსფერო ცვლილებებით იწყებს ბათუმის დინამო. ვიცე-ჩემპიონის გეგმები ნათელია - ჩემპიონობა და ევროსარბიელზე წარმატებული გამოსვლა

ზღვისპირელებიც დებიუტანტებით იწყებენ. გეგუჩაძის ბიჭებს საკუთარ კედლებში თბილისის მერანის დამარცხება მოუწევთ, რათა დასახული მიზნისკენ პირველი ნაბიჯი გადადგან. 

მერანი კი, ახალი სიტყვაა ქართულ ფეხბურთში, რომელიც ადრე ნორჩი დინამოს სახელით გამოდიოდა. აღნიშნულ შეხვედრაში ფავორიტი მასპინძელი იქნება, მაგრამ არავინ იცის რა სიურპრიზს უმზადებს მეტოქე აჭარულ კლუბსა და ქომაგებს. 

მატჩის დრო: 20:00 საათი

ასევე იხილეთ: გაბრიელ რამოსი ეროვნულ ლიგაში რჩება?!

#Flashscore