სხვა / კრივი /
ტაისონ ფიური კარიერის დასრულებაზე ალაპარაკდა
03/04/2020 19:11
186
  • ტაისონ ფიური ახლო მომავალში კარიერის დასრულებას აპირებს
  • მანამდე მას ორი მნიშვნელოვანი ბრძოლა ელის

დაუმარცხებელი ჩემპიონი – ტაისონ ფიური კარიერის დასრულებაზე ალაპარაკდა. გადაცემა This Morning–ში WBC–ის ვერსიით მსოფლიოს ჩემპიონმა აღნიშნა, რომ ის ჯერ კიდევ აპირებს ბრძოლების გამართვას. 

მოგეხსენებათ, რომ რამდენიმე კვირის წინ მანჩესტერელ ბოშასა და დეონტეი უაილდერს შორის განმეორებითი ბრძოლა შედგა, სადაც ბრიტანელს ამერიკელის დასამარცხებლად შვიდი რაუნდის ჩატარება დასჭირდა. უაილდერმა კარიერაში პირველი მარცხი იწვნია, ხოლო ტაისონი კვლავ დაუმარცხებელია.

ტაისონ ფიური: "მართალია, რომ კარიერის დასრულებამდე კიდევ ორი ბრძოლა დამრჩა. ამის შემდეგ კი დადგება დრო, როცა სერიოზულად დავფიქრდები ჩემს მომავალზე. მე სტაბილურად გავდივარ რინგზე უკანასკნელი 12 წლის განმავლობაში და ჯერ არასდროს დავმარცხებულვარ.

2015 წელს კლიჩკოზე გამარჯვების შემდეგ, ყველა მნიშვნელოვანი ტიტული მოვიგე. ვფიქრობ, ენტონი ჯოშუასთან ბრძოლა ბოლო იქნება ჩემს კარიერაში და თამამად ვიტყვი, რომ სრულყოფილი კარიერა მქონდა." 

ფიურისა და უაილდერს შორის მესამე ბრძოლა უკვე დაანონსდა. უცხოური მედია აქტიურად წერს იმაზეც, რომ ამერიკელთან დაპირისპირების შემდეგ, ტაისონი თანამემამულე ენტონი ჯოშუას წინააღმდეგ იასპარეზებს.

სოციალურ ქსელში ვიდეო გაავრცელა დეონტეი უაილდერმაც, რომლის თქმითაც ფიურისთან წაგება მხოლოდ ომის დასაწყისია და ის აუცილებლად დაიბრუნებს ტიტულს. რაც შეეხება ჯოშუას, მან ფიურიმდე ერთი ბრძოლა უკვე დაგეგმა. ის 20 ივნისს ტოტენჰემის სტადიონზე კუბრატ პულევის წინააღმდეგ გამოვა.

ასევე იხილეთ: VIDEO | ფიურიმ უაილდერთან გამარჯვება კლუბში სიმღერით აღნიშნა

 

#Flashscore